減價盤開始出現

減價盤開始出現

新「辣招」出台之後的第二個星期五,筆者幫戰友搵筍盤。看上一個優質單位,銀行估價630萬元,出招前最少開650萬元,那天竟然開價600萬元。

筆者與朋友立即落票,殺到560萬元。
筆者:「係就今晚簽埋佢啦。」
代理:「業主話10點幾,太夜啦,要返早,聽日放工先簽。」
筆者:「攞去佢屋企俾佢簽啦。」
代理:「講咗啦!佢話老婆瞓咗唔方便呀。」
筆者心感不妙,星期六、日不用上班,很多準買家會湧出來睇樓。明顯業主想拖延時間,看看星期六、日有沒有買家出價比我們高,如此筍盤,筆者早已打定輸數。

星期六,筆者與朋友多次催促不果……
代理:「業主仲未放工呀。」
筆者:「九點幾啦喎,仲未放工?」
代理:「返Shift要開夜喎。」
筆者:「咁佢噚日又話返早?!」

星期日,直頭唔聽電話……谷鬼氣!!
心想業主可能已經賣了好價,誰知星期一,代理有好消息。
代理:「業主話今晚七點可以攞過去俾佢簽喎。」
搞掂!平過估價70萬元,相當於樓價的13%。

中價盤議價空間大

這件事說明了,氣氛確實比之前差,業主開價已經冇咁癲。部份業主的議價空間甚大,最重要是,只要不是經全城追捧的400萬元以下上車盤,例如500多萬元、600多萬元的單位,市場上冇乜買家同你爭!

就正如上述業主,用盡方法拖延時間,經過星期六、日的黃金檔期,講就多,然而就是沒有人落票,還是回來找我們。

看見很多報章、傳媒還是標榜創新高。很多讀者信以為真,高呼:「辣招冇用!樓價冇調整!」

老老實實,你有冇落過區睇先?就筆者所見,很多地方都出現減價筍盤,問題只是買家沒有花時間去睇、去搵、去還價。

宜耐心還價

很多朋友說:「我睇咗幾日啦,個個叫價都好貴喎!」
當然啦!今天資訊太發達了,個個業主都識上網,兩分鐘就Check到屋苑最近成交價。就連唔識上網的老業主,都識得去銀行估吓價先賣,個個放盤都會放個高價錢,預咗買家還價。

對於代理來說,取易不取難。如果見業主價錢企得硬,買家多新手,易哄,當然就會傾向說服買家出高價接貨。

其實代理不在乎樓價升定跌,最緊要有成交,如果買家可以冷靜下來,沒有必要的,就暫時鳴金收兵,齋睇唔買。急需買樓的,可耐心還價,市場形勢就會轉變。

相關文章