樓價跌幾多?三成以內!

樓市

廣告

朋友:「你覺得今次樓價會跌幾多?」

筆者:「你覺得呢?」
朋友:「好多專家、分析報告都睇得好淡。」
筆者:「有幾淡?」
朋友:「有啲話跌四成、五成,有啲話跌到你唔信。」
筆者:「好多未買樓嘅朋友,希望好似SARS咁跌七成添。」
朋友:「係囉,會唔會好似SARS咁跌七成呢?」
筆者:「你自己都係業主呀。」
朋友:「咁又點?」
筆者:「如果再一次SARS,你會唔會劈七成賣層樓俾我?」
朋友:「劈七成?我層樓400萬元,即是120元萬賣俾你?」
筆者:「係呀,SARS 重臨喎,大災難呀。」
朋友:「咪癲啦!我情願死在間屋入面,都唔會劈七成。」

大家有冇諗過,全香港有幾多人,後悔冇喺SARS的時候買樓?又有幾多個在2003、2004年賣樓的朋友,後悔當日賣樓的決定?

筆者認識一些朋友,在1997年買入單位,然後在2003年賣出,單位足足跌價七成,到今日仍然揼心!最慘的是其中一位朋友,這次慘痛經歷令他不敢再踏足樓市,到今天仍然租樓住。

業主持貨心態仍強

如果再來一次,你估準買家會唔會等到跌七成先入市?業主又會唔會跌七成都賣?

正如King Sir上星期文章所說,每個準買家都有一個大跌期望。然而,這個期望是否會現實呢?

近日筆者在Facebook分享我們上兩個月港島區睇樓團的戰報,有同學即睇即買,一個旺市時賣420萬至430萬元的單位,他們340萬元左右就買到了,有網民留言回應,使乜咁心急,遲啲會跌到200幾萬元,仲要通街都係。

明顯這是感性的期望,不是理性的分析。所謂經一事、長一智,第一次遇上SARS,遇上「八萬五」的時候,你可能會手足無措。然而,多遇上幾次升升跌跌,你就會好快適應,到了2008年金融海嘯,業主心態明顯比SARS時轉強,普遍樓價跌三成左右就已經回穩,大約相等於SARS跌幅的一半!

為甚麼業主咁有信心呢?經歷過2003年,還有甚麼好怕的?很多準買家都期望樓市可以跌番去SARS價,最後咪又係得個望字。

到了2013年的調整市,又有分析員估計會大跌五成。調整維持至2014年中,看指數沒有太大跌幅,然而實戰成交,期間的成交價大約平了10%至20%,又比金融海嘯的時候跌少了一半。

平兩成已可入市

如果你問業主點解咁有信心,大概會答你:「SARS、海嘯都經歷過啦,有乜好驚?」經一事,長一智而已。

回看今年的調整,情況跟2013年的情況又很相似。甚麼經濟因素轉壞,其實去年年底佔中的時候已經出現,是新鮮事嗎?還是炒作理由?

理性評估會跌多少,筆者點睇都沒有像金融海嘯般嚴重,應該以2013年的跌幅作參考。未買樓的朋友,如果單位價錢可以還價到2014年中,樓市爆升前的水平,已經是非常不俗的價位,大約比現水平便宜兩成左右,可以考慮入市。

已經有物業的朋友,未至於要急於放盤,此時此刻莫講話買樓的人少,連睇樓的人都少,現在賣樓肯定不會賣到好價錢。

升升跌跌本來就是平常事,能夠調整好心態,樓價上升的時候,適當減持套現,樓價下跌的時候,適當增持進攻,已經贏不少了。

相關文章:
【King Sir: 每個準買家 心裏都有個大跌期望】
http://www.edigest.hk/Vip/detail?id=1481

太古城上月最新放盤叫價是多少?

太古城上月最新放盤叫價大約…各區樓市買賣詳情請看

九龍區有哪些大型屋苑放盤呎價最低?

九龍區不少受歡迎的大型屋苑呎價對比上月都有回落…各區樓市買賣詳情請看