上車要儲10年錢?

樓市

廣告

朋友:「又有勵志報導,有冇睇呀?」

筆者:「邊單先?」
朋友:「熱賣新盤SAVANNAH年輕小夫妻買400萬一房上車。」
筆者:「好似話儲錢儲咗十幾年喎。」
朋友:「係呀,慳咗十幾年,儲咗百幾萬首期,勁呀!」
筆者:「百幾萬首期?400萬點解唔做九成按揭?」
朋友:「唔知喎,佢話諗住畀六成首期,160萬喎!」
筆者:「就算冇發展商包按,兩個人入息加埋都借到啦。」
朋友:「咪係囉,如果借九成,即是40萬,快好多。」
筆者:「仲要儲十幾年,十幾年前咪即係SARS嗰陣?」
朋友:「係喎,當年啲樓唔值錢!」
筆者:「十年前,十萬八萬就上到車啦,儲一兩年就得。」

朋友:「係呀!點解要等十幾年?」
筆者:「其實我哋上咗車都係十年多啲。」
朋友:「有人選擇用十幾年去儲百幾萬首期上車,我哋當年就攞住十萬八萬上車,碌咗十幾層樓出嚟,如果可以返去十年前,一定可以再把握得好啲,再多一倍、兩倍。」

這個勵志故事,其實都唔係好勵志。十幾年前正是香港最低潮時期,磚頭唔多值錢,上車不難。

上車要踏出第一步

不過由於經濟跌到谷底,2004、2005年經濟反彈,當時身邊很多朋友仍然很擔心,覺得香港經濟只是曇花一現,很快就會再跌,所以很多朋友都不敢貿貿然入市,筆者因為有自住需要,所以走出第一步。

正是因為沒有如果、沒有早知,不同人就會有不同選擇。很多朋友出於恐懼,沒有及時把握機會。記得2005年筆者上車的時候,花了106萬元在港島西買了一個樓齡約30年的兩房單位,由這個單位起步,特別有感情,到今天仍然持有。

最低潮時期,這個單位大約70萬元,去年最高峰市值大約500萬元。期間市場起起跌跌,出現過好幾次機會,不同人又有不同選擇,不同結果。

更多朋友出於無知,機會放在眼前亦錯過了。無論是十年前還是現在,原來很多朋友都不知道有高成數按揭,仍然以為買樓要俾四成、五成首期,要有百多萬才說,試問正正常常一個打工,無端端又點會儲到百幾萬呢?於是就放棄了。

善用高成數按揭

又有人其實知道有高成數按揭,但是就聽傳媒、聽身邊的人說得多,對於加息、負資產等過份恐懼,以為多儲錢,付四、五成首期,世界就會更美好。事實上只要自己有足夠的還款能力,有足夠的理財智慧,錢留在自己身邊,比押在磚頭上好得多。

近日不少新盤推出高成數按揭,有人說這是泡沫爆破的先兆。其實這未免太武斷。要看借高成數按揭的人,到底是因為手裏沒錢去借,還是手上其實有錢,只是不願意太多資金被壓死。

看看推出高成數按揭的新盤,不乏逾千萬元的物業,即使要付兩成首期,都要付200萬元,供樓亦要供幾萬元,他們真的是沒有實力的買家嗎?

筆者很明白這種心情,如果你有500萬元首期,可以買1000萬元樓,然而買了之後,口袋就沒錢了,未必會買,不如租算了。如果只需要200萬元,手上就有300萬元可用,可以再做其他投資,考慮買的動力就大很多,這代表沒有實力嗎?

(相片:滿名山售樓處,彭大偉攝)

太古城上月最新放盤叫價是多少?

太古城上月最新放盤叫價大約…各區樓市買賣詳情請看

九龍區有哪些大型屋苑放盤呎價最低?

九龍區不少受歡迎的大型屋苑呎價對比上月都有回落…各區樓市買賣詳情請看