信用卡優惠攻略 | 信用卡達人小斯教路 3招賺盡碌卡簽賬優惠 | 智慧理財

信用卡優惠攻略 | 信用卡達人小斯教路 3招賺盡碌卡簽賬優惠 | 智慧理財

【信用卡優惠攻略】個個都plan緊復活節連放4日去個短旅行,或者趁假期前後淡季去長旅行,散心充電。但機票那麼昂貴,有時真係買唔落手喎!有試過最高記錄試過一年內兌換咗13套免費機票嘅「信用卡達人」小斯教落, 想要信用卡優惠換到免費機票,係唔可以懶㗎!

撰文:Cheryl |圖片:何柏基、 burst.shopify.com

信用卡優惠:自己親自打電話去換

2016年小斯幫自己一家8口,換了由大年初一至初六去大板的國泰來回機票。

大家都心水清,旺季是很難換到免費機票。由於360日前就可以用信用卡優惠換機票,於是小斯就計好日子,出發前360日,就於早上8點打電話去hotline。

信用卡優惠
信用卡達人教落:想要免費機票係要事先plan好,冇得懶㗎!

「其實我7點9就打去啦,問吓其他嘢咁,問到8點就話換機票。就換到4張economy 4張business機票返嚟啦!」

要慳錢,當然唔單止睇信用卡優惠啦,選卡已經是很關鍵性的一步啦!

第1招. 要清楚你將來有何消費

有些信用卡迎新優惠是很好吸引,但要注意,如果申請完信用卡,但根本不會有機會經常碌卡/碌大面額,其實就會浪費迎新優惠。

如果你初出茅廬,剛剛出來工作,需要部iPad處理文書嘢,換言之你有筆錢要用啦。用你買iPad 的錢,去賺個迎新信用卡優惠,這是我覺得最重要啦。

信用卡優惠
如果不會有機會經常碌卡或碌大面額,可能因為簽賬額要求不足,浪費迎新優惠。

第2招. 從簽開甚麼類型賬單出發

例如做保險,要成日見客食飯,當然要有一張食飯夠抵的信用卡,去幫你處理日常消費。

所以了解個人消費模式是很重要,再選擇張合適信用卡,自然更容易將你的消費,轉做飛行里數或者現金回贈啦!

信用卡優惠
想賺盡信用卡優惠,先要知道自己的消費模式。

第3招. 分清想儲里數還是現金回贈

容易請大假的打工仔,容易自己安排假期,可以淡季去到旅行的人,適合揀現金回贈優惠,因為淡季去旅行,機票通常較便宜,一千蚊左右搭廉航都可以去到日本。

信用卡優惠
如果可以淡季去到旅行的人,適合揀現金回贈優惠。

但調返轉,你係做老師的話,只可以旺季去旅行,旺季來回機票都至少要三千蚊。

旺季先去到玩的人,我會建議要揀飛行里數換機票啦。

低消費慳家的朋友仔,又可以選擇現金回贈。 因為現金回贈,很多時都會扣你卡數,等你可以找少啲錢。

低消費又有好鐘意去旅行,而亦係只有旺季抽到時間去旅行的話,㨂一張積分冇限期的信用卡。雖然你可能簽得少,但你可以慢慢儲,就唔會過期啦!

信用卡優惠
旺季先去到玩的人,小斯建議要揀飛行里數換機票啦。

好鐘意去旅行,亦會簽好多卡數的人,可以積極一些, 揀儲分有限期的信用卡積,因為積分相對會儲多一些。有些換里數要手續費用,但手續費是一次性。如果你一次過簽好多,儲埋一筆去換,其實都是有著數。

信用卡優惠:除咗講換機票外,唔同消費模式,又應該用哪些卡,換哪類型優惠最適合呢?

媽媽Type:好多時信用卡消費都有折扣,可能媽媽要照顧小朋友,比較少出街,使費最多是超市購物,當然要用一張在百佳惠康購物有折扣的信用卡,因為信用卡於特定節日消費,是有信用卡優惠的!

2人「無飯家庭」: 好多2人家庭,兩公婆都要翻工好少煮飯, 往往都會出家食飯。 AE白金信用卡雖然要支付年費,但去美心食飯是有半價, 其實計計埋埋都慳唔少!

年輕人:香港地拍拖,少不免都係行街睇戲為主,拎張AE卡於特定戲院睇戲買一送一,都幾抵喎!

信用卡優惠
時下大學生都可以申請信用卡,但要注意消費,避免先洗未來錢,令自己債台高築。

大專生/大學生: 個人覺得大專生的信用卡,對賺信用卡優惠沒有用處。有些信用卡就寫明學生都可以申請,安信張Earn MORE是不錯的。對學生哥而言都抵玩㗎。 

仲有安信WEWA卡,如果你去樂園,會有4%現金回贈,簽其他都至少有2%回贈 ,好適合學生, 簽得少但都有回贈。 而且仲可以在大專時候,訓練自己學理財!

除咗信用卡優惠外,仲有咩途徑去旅行會有著數?

1.買機票

可以用skyscanner去check吓個價錢,佢絕對能給你初步idea乘撘哪個航空會較便宜。

你亦可以用它作參考,睇吓買邊間airline又或者哪個網站價格最平。

Search完出來的價格外,別忘記仲有extra discount code!

例如trip.comZuji,記住要比較扣除discount code後的價錢!

要留意購買機票的網站是否能儲分

購物除咗可以儲到信用卡積分外,其實網站本身都有分可以儲,例如expedia同trip.com

另外,小斯提返大家,通常廉航都是在官網訂最平,而去近嘅地方如果你官網訂就比較大機會都會係貴啲。

網上訂機票嘅旅遊網站通常會平啲。因為佢地會mark 低啲個價吸引大家

同埋佢本有分儲,係抵啲架!

 

信用卡優惠
買到便宜的機票不止會有滿足感,一次又一次省下的錢隨時能買到下一趟旅行的機票!

2.訂酒店

訂酒店時連鎖式同非連鎖式會用不同方式去獲取至抵價。

好多連鎖式酒店的discount code其實未必用到,所以大部分情況都會在酒店官網訂是最平。

而普遍連鎖式酒店都會有最低價格保證,如果酒店官網價並不是最抵,你在第二個網站cap低較抵的價錢,然後send比該酒店看,佢地除了會給你較抵的價錢之外,有些還會給你8折或者更多!

信用卡優惠
比較多幾個網站的價錢,要獲取至抵價就不再是難事!

提提你: 連鎖式酒店大多數在它們官網訂才儲到積分換它們酒店優惠

訂非連鎖酒店:HotelscombinedTrivago都是不錯的選擇!

3.多用電子錢包也可賺取信用卡優惠!

依加用電子錢包 PayMeO!ePayWeChat Pay HK支付寶香港都可以賺到信用卡積分或里數!

信用卡優惠
識用信用卡,不知不覺中已經為自己賺了一大筆!

4.Asia miles 里數平時仲有咩途徑儲到?

大家平時簽單時可以留意吓商戶可唔可以儲埋Asiamiles

中環都有不少餐廳都可以儲Asiamiles㗎!中環翻工的一族就唔好走寶啦。

如用合作信用卡喺惠顧夥伴餐廳簽賬仲可賺雙重「亞洲萬里通」里數添!

去旅行訂酒店,請按以下連結,睇睇有乜優惠

http://p.nmg.com.hk/gi3679

延伸閱讀

5樣不應該用信用卡找數的事 小心因小失大