鬧情緒

放假唔敢太開心 3種徵狀 你返工或做到鬧情緒 | 藍橘子 |職場

職場

廣告

返工到底為咗乜?3種徵狀,表示你有可能返工做到鬧情緒?市面上有好多書籍,都教人點樣喺工作上突圍而出,做生意創業如何成功,儲蓄計劃等等…

撰文:藍橘子|圖片:網上圖片

但好少書係教人「如果在工作中取得快樂」,因為我哋都將「金錢」同「快樂」掛勾。

奇怪地,我相信無一個香港上班族係覺得返工輕鬆,我亦未聽過有人講:「好嘢!有得返工!」

明明工作就有錢,點解無咩人鍾意返工呢?

心理學家赫茲伯格曾經喺一本《哈佛商業評論》提到,工作能否快樂,主要涉及兩種因素。

一種係「保健因素」,另一種係「動機因素」。

放假唔敢太開心 3種徵狀 你返工或做到鬧情緒 | 藍橘子 |職場

返工做到鬧情緒?

放假唔敢太開心 3種徵狀 你返工或做到鬧情緒 | 藍橘子 |職場

保健因素包括職位、薪金、福利、工作環境、穩定性…

無錯,係部都係上班族關心嘅嘢。但赫茲伯格指出,即使滿足上述所有條件,亦唔會令你喜歡工作,只會令你由討厭變成「無咁憎」…

而真正令你快樂嘅係動機因素,工作係咪你嘅興趣專長、有冇意義、有冇挑戰性,呢啲先會令你工作快樂。

不過現實啲講…有幾多興趣真係可以變成職業吖?!

大家都係為咗錢,為咗可以安穩生活…

現時全港估計每100個成人,就有3個有抑鬱症,最誇張係,有一半患者無尋求協助。

因為大家對抑鬱症認識唔多,更嚴重嘅係覺得「返工唔開心係正常」,所以察覺唔出自己有抑鬱症…

市面上,對精神病嘅健康保障少之有少,治療費用又貴,令大家都唔敢去睇醫生,以為休息幾日就無事,結果令情況愈來愈嚴重。

以下有三項日常生活嘅特徵,如果你符合,或者要留意一下自己嘅情緒狀況。

1)無法容忍有人阻止你繼續工作

好多人會視為投入專注工作,但其實呢個係令你患上抑鬱症嘅最大成因。過度專注會令心情無法放鬆,工作並非「投入」「努力」「花時間」就能成功,仲需要好多外在因素配合,一旦呢種人遇上失敗,情緒就會爆煲。

2)放假唔敢太開心

如果當你放緊假或去緊旅行時,突然有種感覺係「哎!我咁放鬆會唔會有問題呢?」或「仲有一大堆工作未處理,我咁開心好過意唔去」,令自己長期陷入低迷情緒,就好容易會患有情緒病。

3)覺得自己坐緊監

每朝起身、返工、放工、食飯…無論係工作定係休假,都有種被牽制住,身體唔屬於自己嘅感覺。工作只係生活嘅一部分,但當你嘅生活變成工作,就會有呢種逃唔出困局嘅感覺。

有睇過電影《一念無明》就知道,其實最恐怖嘅唔係情緒病本身,而係身邊嘅人點睇呢種病,及早就醫,或瞭解多啲都係好事嚟嘅。

延伸閱讀:

每日都要開開心心 10個令你笑住返工的方法

放假唔敢太開心 3種徵狀 你返工或做到鬧情緒 | 藍橘子 |職場