39歲退休 朝朝瞓到11點 就要靠被動收入 | 財務自由 | 持續現金流 | 理財入門|經一專欄

39歲退休 朝朝瞓到11點 就要靠被動收入 | 財務自由 | 持續現金流 | 理財入門|經一專欄

被動收入經一專欄返工很受氣,好想唔做,但揾工唔易都係忍住。 夠半年積蓄,我就裸辭… 一切源於錢,源於想自由生活。

撰文:Ann姐 |圖片:Ann姐、新傳媒資料室

首先要執正自己思維

有幾多人單依靠打份工安樂退休。 官方話55歲退休,我認為39歲退休先真。這不是天方夜谭! 係你點在後生時如何訂立長遠的投資計劃。同時未開始之前,第一步是執番正自己思維。

理財入門, 退休, 被動收入, 財務自由
【Ann姐上岸原理・財務自由】Ann姐為「有樓萬事足」節目總顧問、「買樓上車防中伏」、「上車又住又賺」及「財富十級跳」作者。

《朋友叫我小心啲》

四年多前我買港樓,朋友叫我小心啲 樓市跌3成。我做功課買了。三年前我買日本樓,朋友叫我小心啲地震,人口老化冇人住。我做功課買了。二年前我買大陸樓,朋友叫我小心啲大陸政策,樓市瘋狂。我做功課買了。一年前我買車位,朋友叫我小心啲經濟唔好冇人租。我做功課買了。

理財入門, 退休, 被動收入, 財務自由
Ann姐進行任何投資前,都會做足功課。

財務自由 享受生活 不忙著生存

今年專注虛擬貨幣和被動現金流工具,朋友叫我小心啲,好多國家會禁、唔識唔好掂。我繼續做功課,適逢生日我在外地買一小單位方便旅居及「 又住又賺」。享受生活,不忙著生存。

理財入門, 退休, 被動收入, 財務自由
這是Ann早前適逢生日,在外地買的小單位。

「被動收入」= 持續現金流入

P.S 「被動收入」見解 :  返工係主動收入,三十幾邁向四十之後你有冇發覺你皮膚鬆了,跑步冇以前咁快?主動收入隨時因著年紀大會縮少,甚至冇埋 。財務自由,有樓收租,有股收息,有車位收租… 你天天瞓到十一點起身,佢地還默默地定時定候俾錢你。「被動收入」= 持續現金流入,幾爽。

理財入門, 退休, 被動收入, 財務自由
Ann姐經常到外地睇樓,發掘投資機會。

投資要有主見

投資係數字加藝術(眼光洞察力),要有主見。我買嘢好少同屋企人商量,因為我自己做功課,太多 general 見解左右自己,就只有 general 或者 零的結果。我N年前試過見工,有阿囝囝結伴媽媽見工,問母親呢份工好唔好。我覺得這個囝囝實在太幸福。。。

理財入門, 退休, 被動收入, 財務自由
今年Ann姐專注虛擬貨幣和被動現金流工具,朋友又叫她小心啲。