大灣區靚樓

筍盤唔會來港展銷 想搵大灣區靚樓 只有一個途徑 | 內地樓市2018

樓市

廣告

【想搵大灣區靚樓 只有一個途徑】大灣區咁大,係咪行兩轉就可以熟悉呢?筆者Anthony認為要買大陸筍盤,只有一個最好的方法,就是……

撰文:1%Anthony |圖片:新傳媒資料室

朋友: 「早兩日跟朋友去睇大灣區睇樓。」
筆者: 「咁開心?」
朋友: 「係呀,三日兩夜,去咗幾個城市。」
筆者: 「你朋友好熟大灣區架?」
朋友: 「係呀!佢推介咗個盤,想問吓你意見。」
筆者: 「講嚟聽吓~~」朋友: 「XX市中心1.5萬/米,抵買嗎?」
筆者: 「三、四線城市嚟喎,就咁聽呢個價似乎太貴啦。」
朋友: 「嗰度好多人、好旺架。」
筆者: 「大陸好多地方都好多人,但係唔代表值呢個價喎。」
朋友: 「點解嘅?」
筆者: 「最近我哋買深圳週邊二線城市都係咁上下。」

朋友: 「有咩?」
筆者: 「當然有啦,唔少選擇添,你又話你朋友好熟嘅?」
朋友: 「佢之前份工成日要返大陸出差架。」
筆者: 「出差唔同買樓喎,佢有冇買過大陸樓先。」
朋友: 「咁就未,但係之前佢專登去大灣區考察過架!」
筆者: 「考察?我仲以為佢係老手添。」
朋友: 「佢專登去考察咗兩、三次先帶我哋去架。」
筆者: 「吓!咁就叫熟?你熟唔熟香港樓丫?邊度平丫?」
朋友: 「唔熟喎。」
筆者: 「你住咗幾十年都唔熟,點解考察兩、三次就熟呢?」
朋友: 「咁又係喎…」

熟悉香港樓市,最少都要幾年經驗…

大灣區咁大,係咪行兩轉就可以熟悉呢?

唔知大家身邊有沒有一些朋友,話自己好熟悉中國大陸呢?

筆者身邊就有唔少,但是深入再問問,原來只是逢星期六日到深圳按摩食飯Shopping,行遠少少,出咗羅湖、福田,就會迷失太空。

大灣區靚樓
熟悉香港樓市,最少都要幾年經驗

每個城市都有自己特色

有些朋友因為工作需要,經常要到大陸出差,例如有位朋友分公司在北京,幾乎每星期都要上去,真真實實的生活過,有資格說自己熟悉北京,但亦只限於北京而已。

中國咁大,單就大灣區就有9個內地城市,有幾十個香港咁大,每個城市都有自己的特色,點可能走幾轉、考察幾次就叫熟悉呢?就能買樓賺錢呢?

你熟悉香港樓市嗎?能把握升跌嗎?有把握搵到筍盤嗎?

如果在香港生活幾十年都未能掌握,點解走兩轉就識揀大灣區?

大灣區

大陸買樓…識人好過識字

有些朋友跟筆者說,我睇過資料,做過研究…

資料數據雖然有用,不過在大陸買樓…識人好過識字!

大陸有幾十個省,幾百個城市,單就大灣區已經有9個城市,當中有一線城市,也有四線城市,邊個城市有潛力?價位是否合理?…

即使在同一個城市,個個城市都有香港幾倍咁大,有啲地方仲係耕緊田,邊個位置得?…

即使同一個地區,有賺錢筍盤,也有爛尾死盤,邊個樓盤的性價比高?

大灣區靚樓

買樓投資不是考DSE

買樓投資不是考DSE,不是死背數據就得,最重要是有盲公竹,不是一位個個盤都話筍的代理,也不是一位單靠睇書睇資料只是考察過幾次的朋友。

而是找一位有真真正正有豐富實戰買賣經驗的朋友,有人脈網絡的盲公竹,買外國樓你都會睇吓嗰邊有冇熟人俾到意見你啦,點解買大陸樓就鬆懈?

同時要有心理準備,筍盤很少送到你咀邊,要自己去搶的!

熱門樓盤從來沒來港推銷

唔知大家有冇發覺,很多熱門城市,尤其一些熱門樓盤,從來就沒來港推銷!香港人買樓瘋狂?大陸人買樓更瘋狂!一些熱門城市,無論是一線城市,還是二、三線城市,只要是性價

比較高的樓盤,幾個小時就被搶光,做乜鬼仲要嚟香港賣?筍盤要自己去搶架!

之前我們同學的大陸兵團,曾經買過的很多筍盤,都是前輩導師的炒家團隊,在大陸到處搜刮筍盤的時候發現的,從來就沒有來港推銷,香港人聽都未聽過就賣光了!

試過有一次,東莞有個筍盤,因為限價令,令到最後一期賣樓要減價,老總急Call前輩導師,連夜上去排隊買的,今天大家都賺錢了。筆者經常講笑咁話,睇睇埋埋咁多資料,都不及老總一個電話,哈哈!

體驗1分鐘貸款批核 隨時提款話咁易

平遊東京不是夢!最平住宿喺晒呢到

去大阪想搵住宿?識睇一定睇呢到!

去首爾掃貨住邊好?入嚟幫你格價搵至抵住酒店!

短trip遊台北叉叉電,即訂平、靚、正住宿出發!

去旅遊想搵住宿?識睇一定睇呢到!

延伸閱讀:

香港樓市 你自己住咩 買樓前要問自己5個字|香港樓市2018

筍盤唔會來港展銷 想搵大灣區靚樓 只有一個途徑 | 內地樓市2018

太古城上月最新放盤叫價是多少?

太古城上月最新放盤叫價大約…各區樓市買賣詳情請看

九龍區有哪些大型屋苑放盤呎價最低?

九龍區不少受歡迎的大型屋苑呎價對比上月都有回落…各區樓市買賣詳情請看