睇上司有冇「開會癖好」就知佢嘅工作能力

睇上司有冇「開會癖好」就知佢嘅工作能力

【有「開會癖好」的老闆上司】正所謂樹大有枯枝,人多有白痴。但唔知點解,無論公司規劃大定細,都總係有呢三種豬隊友,令你每日心情低落懷疑人生。天啊!到底我做錯咩事,又會遇到呢種人啊!

撰文:藍橘子|圖片:unsplash

臨放工開會

呢種癖好多數出現係上司或老闆身上,明明需要討論嘅工作唔需要所有人討論,硬係要召集所有人嚟開會。

尤其係臨放工,佢哋就會講「阻阻大家五分鐘,我哋好快咁開個會!」女朋友化妝話五分鐘搞掂,老闆亦都係一樣,無半個鐘都唔使旨意開完個會。

「會議」最重要目的,就係讓所有員工發表意見,然後共同決策,投選最好方案達成共識。

但鍾意開會嘅上司老闆,通常只會有佢自己講,其他人完全無發言權。

開會, 老闆, 上司, 存生感, 公司
圖片:unsplash

開會為「刷存在感」

即使有員工發表意見嘅時間,最後決策權亦只會喺老闆一人手上。

咁樣做除咗失去「會議」嘅最大功能。

仲會令原本積極進取嘅員工士氣變得低落,覺得工作事不關己,自然己不勞心。

而鍾意開會嘅人點解鍾意開會呢?!佢哋開會嘅唯一目的,就係「刷存在感」!

開會, 老闆, 上司, 存生感, 公司
圖片:unsplash

越廢嘅人越愛開會

當你提出自己意見,佢首先會用公司規矩嚟反駁你,繼而用佢嘅經驗擊潰你,以往無失敗就代表成功。雖然錯唔晒,但永遠唔會有突破。

日本心理學家榎本博明講過:「越廢嘅人越愛開會」,通常喺會議中樂於表達,提供創新意見,都係將群體化為動力嘅人。

當會議完結,佢一個人行返埋位,無咗群體喺背後支撐,就會失去晒執行動力。

此外,對於喜歡開會嘅上司嚟講,另一個重要嘅作用就係分散責任。

當一個決定係共同決策,咁結果是好是壞,都唔係佢一個人嘅責任。

開會, 老闆, 上司, 存生感, 公司
圖片:unsplash

有一個解決方法

如果你真係想扭轉局面,唔想輕易放棄,令自己變成對工作漠不關心嘅「Hea霸」。

提供一個解決方法,就係用盡全力,攪盡腦汁,搵出老闆/上司說話內容比較正確嘅元素認同佢!

然後先提出自己意見,對於「自卑」「刷存在感」嘅人相當有效。

最後,如果你發現自己就係有開會癖好嘅上司或老闆,不如試試下一次喺會議上多啲提出問題,多啲鈴聽,咁做先會發揮到會議真正用途。

開會, 老闆, 上司, 存生感, 公司
圖片:unsplash

延伸閱讀:

香港幾時會跟 內地或推「每週2.5天小長假」

內地 香港 長假 人流 中國 河北 中國旅遊研究院 景區