珍寶豬

診所職場事 寶豬趣聞 魚 上回|珍寶豬

職場

廣告

有日一位阿姨門口都未入到,就已經聽到佢把聲。

『唏唏唏唏唏唏唏唏!今舖大鑊啦!姑娘呀!!!』
佢一入到嚟就直衝嚟登記處,爭啲撞埋去我哋塊玻璃…

撰文:珍寶豬

佢:「姑娘呀,救命呀」
我:「請問咩事呀?」
佢:「你咁冷靜嘅?」
有事嗰個又唔係我,我騰雞什麼?
我:「姑娘係咁冷靜,請講,有咩事啊?」
佢:「我頭先蒸魚呀」
嗯,蒸完未?定食晒啦?唔預我仲好講我知你有魚食?

我:「繼續講呀~」
佢:「我諗住拎佢上嚟呀!點知佢好似翻生咁!」
嗯,我好想試吓擺埋你入去蒸,睇吓你會唔會翻生埋一份…
我:「咁跟住呢?」
佢:「冇呀,跟住佢咪跌咗喺地下囉,隻碟爛咗囉」

我:「咁你嚟做咩呀?你應該去對面日本城買過隻碟呀」

佢:「呀係!講返正題,我哋食完㗎啦,隻碟爛咗,我咪執返起條魚擺過另一隻碟度囉,我老公話喉嚨UN住UN住呀而家!會唔會係條魚有事呀?」
我:「你叫你先生嚟睇醫生呀,俾醫生睇吓~」
佢:「吓?乜要睇醫生㗎?」
我哋診所唔係睇醫生嘅,仲有咩好做呀?要唔要跳隻舞?
佢繼續講:「會唔會係條魚未完全熟所以先咁呀?」

我:「你蒸咗幾耐呀?你嗰條咩魚呀?」
佢:「桂花魚,都蒸咗廿分鐘㗎」
牛都死啦…
我:「如果你有開火嘅話,條魚如無意外死晒㗎啦,喉嚨有嘢UN住可能係有魚骨插住啊,最好都係俾醫生望望啦~」

佢:「吓…..」

下回續。

珍寶豬過往精彩文篇:

診所職場事 寶豬趣聞 魚 下回

診所職場事 寶豬趣聞 魚 上回|珍寶豬