月入$13,000用$1700買潮鞋 著咗一次我就後悔了

月入$13,000用$1700買潮鞋 著咗一次我就後悔了

筆者啱啱搵到新工,買咗份禮物俾自己!身為香港地男仔,想買衫買鞋都要食炒價,款又唔似女裝咁多選擇,想買對正常純黑或者純白鞋款,無四位數都走唔甩,所以我都只係一年換一對鞋。

撰文:Purple弟弟| 圖片:unsplash、電視截圖

人工$13,000買潮鞋

上年我就用咗大約$1,200左右買左對全黑籃球鞋,今年再上鞋鋪睇,同一款鞋已經賣緊$1,500。

最後無理由又買全黑,於是花咗$1,700蚊買咗對全白嘅款,對於人工只有$13,000嘅我嚟講都算係奢侈品。

買完鞋第二朝,我就決定著佢返工!望住純白無瑕嘅乖鞋子,返工心情都冇咁低落。

香港, 潮流, 打工仔, 潮鞋, 鞋
圖片:unsplash

列車到站:「請先讓乘客落車,多謝合作!」

港鐵職員同廣播系統一齊無限loop呢一句句子,而我係一個守法好公民,雖然排緊頭位,但都好有耐性咁等人落車先。

反而企喺我後面嘅乘客就好心急,用眼神不停問候我母親:

「xxxx,行入去啦死𡃁仔!」

香港, 潮流, 打工仔, 潮鞋, 鞋
圖片:unsplash

終於佢哋等唔切,開始推我入車廂,不停咁踩到我鞋尾,我嘅乖鞋子就咁俾人污染咗!

返工時段車廂人貼人就一定㗎啦,我算好運,搵到位置可以扶手,難為身邊嘅打工仔要練平衡,見到都覺辛苦。

車一開,唔知邊條友仔平時唔練好打工仔下盤基本功,失重心撞向其他人,要停止呢個衝擊,最後當然係撞到有扶手嘅我先得已平息。

香港, 潮流, 打工仔, 潮鞋, 鞋
圖片:unsplash

「Sorry啊,踩到你!」

唔踩都踩咗啦,我可以點。

「唔緊要!」

我嘅乖鞋子又受辱了。

大約畀人踩咗10下左右,我成功由天水圍到達觀塘!

香港, 潮流, 打工仔, 潮鞋, 鞋

行過工業區,即使天清氣朗,都總會有幾攤積水,加上舊區重建,到處都係沙泥飛濺。

行到返公司,對新鞋已經有幾撻污漬,我欲哭無淚。

原來喺香港,人同鞋都係一樣「愈純潔、冇機心嘅愈生存得唔耐」!

香港, 潮流, 打工仔, 潮鞋, 鞋
圖片:unsplash

延伸閱讀:

以為咁樣夠黑仔?返到公司仲要俾人單打…

香港人出名鍾意投訴,但往往投訴都唔係對事,而係出自不岔同妒忌。

見到人有我冇,投訴!其實可能係先到先得形式;以為有折扣,點知埋單發現冇,投訴!

原來自己睇錯宣傳單張,不過唔緊要,樣衰咗咪投訴職員態度差,得咗……

漸漸地,呢種因不岔同妒忌而引伸出嘅橫蠻思維,滲透入職場。

例如護士咁,近年有唔少人詬病護士人工太高,都係執下屎屎尿尿嘅辛酸絕對對得住份人工,假如自己都咁高人工,絕對唔會呻辛苦。

所以我幾時都說香港打工仔思維上係進步得最快,自己做緊基層,思維已經跳到管理層,唔係諗自己點加人工,而係諗其他人人工太高,要減一減先得。

香港, 潮流, 打工仔, 潮鞋, 鞋

低薪打工仔一樣受害

不過唔好以為得高薪人士先會受害,低薪打工仔一樣走唔甩!

筆者月入$13,000,工作量唔多,每日可能做半日咁上下就完成等收工。

不過即使你做好本份,無影響到其他任何人,一樣會有同事為你加上標籤。

香港, 潮流, 打工仔, 潮鞋, 鞋

莫名其妙地被憎恨

「你就好啦,日日都咁hea…我做到成隻狗咁啊!」

所以係我錯?我俾嘢你做嘅?而情況只會愈來愈嚴重,呢類同事好快會將自己工作量多嘅仇恨,全部灌輸晒係你身上。

「唔好問我嘢煩住我先啦,你估我好似你咁成日咁得閒。」

慢慢,你會發現自己已經莫名其妙地被憎恨,你諗極都唔明,老細出低人工兼俾高工作量佢,但點解呢類人走去將脾氣爆落自己身上?

香港, 潮流, 打工仔, 潮鞋, 鞋

因為佢地同投訴心態一樣,純粹係出自不岔同妒忌,我唔要加人工減Workload,你咁hea,我要剝削你嘅hea!

你說打工仔點唔大壓力,自己友都唔團結鬼打鬼!

要對付刻薄上司之餘,仲要得閒安撫智障同事,以免佢哋心態爆炸,造成大規模傷亡。