我當年大學就係揀咗呢一科 先會令到我每日以淚洗臉|網民熱話

我當年大學就係揀咗呢一科 先會令到我每日以淚洗臉|網民熱話

大學網民熱話】每年7月,又係一眾dse考生面對人生其中一份最重要成績表嘅時候,而筆者作為一個土生土長既90後亦自然感同身受,所以就借著呢個chance向咁多位講下當年一個令我以淚洗臉既決定。

撰文:Purple弟弟  |  圖片:電視截圖

正所謂男怕入錯行,女怕嫁錯郎,入錯major好容易就會令你進入萬劫不覆既地步。

回想起當初筆者dse只得25分,比上不足,比下有餘,咁就是但選擇了某大學的風險管理學系。初時風險管理聽落係好似威風堂堂,點知呢個其實就係惡夢既開始。

初頭每位學生入大學既時候都雄心壯志,筆者當時亦是其中之一。不過,經過左大學既第一年洗禮後,筆者面對返自己當初既雄雄烈火都真係令我情何以堪。

大學 揀科 成績表 風險管理 以淚洗臉 網民熱話
圖片:電視截圖

我果間大學將風險管理歸類為科學為本既學科,簡單啲咁講就係要探古尋根,將一切係商業世界用緊既公式以統計學和數學角度去分析。

有好多人係呢一刻都可能會話:「咁唔係幾好咩?,又可以學得深入。」呢d說話原則上係無錯,但係就忽略著能力既差異。呢度講既唔係學生之間既差異,而係課程同學生之間天生既距離。

話到明係以科學角度出發,咁自然考核準則都會跟返科學為本,姐係話學校果便係當你一個科學系本科生咁睇。

咁就大獲la,想當年筆者year one要必修大學科學入門,話就話入門,但係果d咩粒子同中子既距離,太陽系形成原因等全部都會出現係考卷度。筆者當時最為熟悉的就只有手上的中指,試問又怎能於那些科目中得到好成績呢?

大學 揀科 成績表 風險管理 以淚洗臉 網民熱話
圖片:電視截圖

無左好成績,咁果推broken grades自自然就會放哂落張transcript度,姐係大學成績表度,咁一去見工就乜都俾人睇清光。

我地呢啲讀得risk man就自然想係呢個金融世界裹便逐鹿中原架la,而最搞笑既就係businss果啲hr根本唔會理你讀果啲科有幾發揮科研精神,佢地只會睇你gpa果個數字黎睇你個人。

筆者既結局未就係而家每日返工都要用科研精神計下點樣慳下啲食飯錢,每日坐港鐵時諗下有機多機率又會再沉多20毫毛。呢啲人生都未話唔爽。

大學 揀科 成績表 風險管理 以淚洗臉 網民熱話
圖片:電視截圖

以上呢啲都唔係最慘,你要知道筆者作為一個男性,血氣方剛之時最慘既就係讀大學果科無女同學,係無女得大量既仔仔。入得去讀risk man既女仔個個都鐘意計數,識打扮或者天生係靚既一早去哂讀bba或者marketing。

到筆者知道左呢個殘酷既事實既時候,筆者已經無力回天,喊都改唔返果命運。

大學 揀科 成績表 風險管理 以淚洗臉 網民熱話
圖片:電視截圖

如果少年你讀中學係男校,咁你升讀大學risk man時應該唔會難適應,因為你黎緊4年都會係讀男校。

讀多4年男校都已經夠慘,仲要望住大學其他情侶一雙一對,真係少啲血都頂唔住。

咁當然呢個世界有人做窮人,就自然有人會發達。筆者唔適合讀risk man,但自然有人會鐘意日以繼夜,夜以繼日咁操練。

若果咁多位年輕人對計啲難既數無乜興趣的話,咁排choice就要小心啲揀以免他日以淚洗臉。

大學 揀科 成績表 風險管理 以淚洗臉 網民熱話
圖片:電視截圖

相關文章