零食任食 返工可飲啤酒 貼地創業老闆:憑咩要員工攞條命同你搏?

零食任食 返工可飲啤酒 貼地創業老闆:憑咩要員工攞條命同你搏?

會考零分的Michael是70後,原本在電訊業由前線Sales做到管理層,3年前裸辭,利用20萬創立『爽WiFi』,短短3年間由首年100萬營業額做到去年2,000萬營業額,今年更大搞零食生意『零食到家』,創業看似一帆風順,事實是他在不斷從失敗中學習得來的結果,打工仔出身的他,對於企業文化、員工管理,也自有一套理念。

撰文:Hody | 攝影:何柏基

創業經驗無私分享

在商言商,不少生意人都避諱自己做生意的成功「技倆」,但Michael卻樂於分享成功經驗,「蝕抵就是投資,幫人等於幫自己」是他的座右銘。

他認為做生意要不斷學習,「雖然我創業唔係好耐,我亦都無乜讀過書,但我呢3年為咗我嘅事業用咗好多心機,我走訪咗好多唔同嘅商會,亦都創立咗一個商會去分享創業嘅經驗,主要係想聯合一班中小企業,互相幫助、互相學習,而唔係互相攞生意。」

創業 返工 零食 打工仔 企業文化 員工管理
他指當初創業都得到別人的幫助,現在有機會都希望可以幫助其他人。

做生意要不斷學習

主要做網上生意的他,經常透過商會舉辦分享會,例如分享「點樣用低成本去宣傳」、「點樣做Facebook生意、點樣喺Facebook做宣傳」。

「例如你用Facebook做生意,好多人以為擺啲嘢上網就會有人睇,其中當中有好多橋妙嘢,我最初都係乜都唔識,咁我就去學,去聽講座、上堂…..」

他笑稱:「記得當時有人講Ai,我問:『咩叫Ai?人工智能呀?』原來係Adobe Illustrator,我都唔識,我就去學。當然而家都唔叻,但起碼知道個框架,知道基本嘢先,我淨係學皮層嘢,人哋講ReMarketing,我就去學ReMarketing;睇GA要好熟,我就一定要學識點樣用GA;人哋話要識SEO、SEM,我就一定要學識呢兩樣嘢!總之有人同我講,網站要識乜嘢,我就一定要學識佢!」

他指看到人家成功之處,就一定要親身嘗試去做、去試。「所以嘢都係學返嚟,要親力親為!」他堅定的說。

喜歡聘用無經驗90後 「唔識問Google!」

當社會都喜愛標籤90後「一代不如一代」之時,Michael也覺得現今的90後責任感較弱,但他仍然喜愛聘用沒經驗的90後員工,「我大部分同事都係90後,我鍾意請一張白紙,鍾意請無經驗的,因為我想創新,例如Marketing、Design同事,我就會請一張白紙,因為我覺得個Trend係屬於年輕人…創作上嘅嘢可以自由發揮,我淨係教佢哋一樣嘢,『唔識問Google!』唔使問我,因為每次唔識去問我,就會依賴咗我,所以唔識應該問Google,我當初都係乜都唔識,全部都係自己學返嚟。」

他指,世界變得太快,他應該用一張白紙,與他一起與時其進,「我橫掂都係一張白紙出嚟,點解我今日做得到,因為我與時並進!」

創業 返工 零食 打工仔 企業文化 員工管理
Michael喜歡聘請無經驗的90後員工,因為「世界變得太快,應該用一張白紙,與我一起與時其進!」

做老闆 應讓員工返工開心

說到企業文化、員工管理,打工仔出身的Michael自有一套人事管理理念,「企業文化是需要的,例如返工好多嘢都應該遵守,但我自己就想將10幾人嘅公司打造Family感覺…作為老闆,我覺得應該做一些事令員工覺得返工係開心的…我係打工仔出身,知道公司俾好多嘢,但員工未必想要,其實打工仔最想要嘅係自由,但我又無可能叫你喺屋企返工,但原來你返到公司,可以行來行去,可以周圍同人傾計,咁公司擺得零食就梗係俾人食,食得就梗係開心Share,咁呢種文化就算係5人公司、或者係500人公司,都可以做到。」

零食任食 工作時可飲啤酒

Michael指因為自己做過打工仔,知道同事間相處開心好重要,故公司經常搞Gathering,希望同事有Family感覺、希望同事間相處會開心。

「見同事多過見屋企人,同事嘅默契同尊重係必須的」,同事想去打泰拳,他又會Sponser員工去公司附近的泰拳館免費玩。

他主張與員工像朋友式相處,Michael指公司連啤酒都是任飲的,「我哋啲同事係買晒啤酒,然後同我講:『攞錢嚟!』我就話:『好好好!』…我唔要我啲同事叫我做李生、亦都唔要叫我做老闆,要叫Michael!入房唔好敲門!公司嘅產品服務當然唔使錢,如果有機會想我去栽培你,我係會出心出力出錢去栽培你,俾你去行商會、去讀書,我都願意。」

創業 返工 零食 打工仔 企業文化 員工管理
他主張與員工像朋友式相處,Michael指公司連啤酒都是任飲的,「我哋啲同事係買晒啤酒,然後同我講:『攞錢嚟!』我就話:『好好好!』

「憑咩要求人哋攞條命同你搏呀?」

香港現時失業率只有2.8%,「有工無人做」的情況比比皆是,Michael卻未有害怕人才流失,「如果同事有個更好嘅發展而我係俾唔到嘅,咁我唯有係鋪紅地毯送佢走!」

他貼地的說:「打份工啫,做一世咩?你無可能操縱佢哋做一世,除非佢哋做得開心,自己甘願留低。例如我啲同事,我從來唔會叫佢哋OT,我從來無控制佢哋幾時返工、幾時放假,從來無人同我講,佢哋自己喺月曆寫… 」

他坦然,當然會有同事射波、會遲到,但他不會鬧,也明白同事都是打工仔,「我公司又唔係上市公司、又唔係國際企業、又唔係好好人工,憑咩要求人哋攞條命同你搏呀講真?」聽到此處,記者當時心裡暗忖:「你公司仲請人嗎?」

管理員工應了解他們需要

Michael認為,作為老闆,首先要了解員工返工係為乜嘢?

「為開心?為發展?為人工?知道佢哋返工為乜嘢?我先可以俾到佢哋。如果佢哋答我為錢,要3萬蚊人工先可以夠生活,咁我會諗辦法點樣俾佢學多啲嘢、叫佢再進修,讀多啲書,然後再出去搵一份更好嘅工作,因為我真係俾唔到佢。如果佢要開心,就話俾我知點樣叫開心,我盡量俾開心你,咁但係唔可以同我講唔返工就開心!係要點樣可以做嘢嘅情況下搵到開心!你要學嘢、我就俾機會你去學;有同事明言想要發展、有野心,咁就要付出、要裝備自己,呢個世界唔會有人無端端俾機會你。」

創業 返工 零食 打工仔 企業文化 員工管理
Michael:「想要發展、有野心,就要付出、要裝備自己,呢個世界唔會有人無端端俾機會你。」

要上位 先要裝備好自己

「我以前由最低嘅Sales出身,跟住做到主管,再做到經理,再到分區經理,一直做上去,我每一次嘅職位假想敵都係高一級的上司,做Sales時就同自己講一定要學識主管的職務,到可以升職時,我就可以勝任,因為我預先已經裝備咗自己。」他說。

Michael認為,作為打工仔,不應存在「一步登天」的想法,應向覺得值得欣賞的人學習,「做得好嘅要抄,做得唔好嘅要改!」當機會來臨,就可以捉緊機會。

體驗1分鐘貸款批核 隨時提款話咁易

平遊東京不是夢!最平住宿喺晒呢到

去大阪想搵住宿?識睇一定睇呢到!

去首爾掃貨住邊好?入嚟幫你格價搵至抵住酒店!

短trip遊台北叉叉電,即訂平、靚、正住宿出發!

去旅遊想搵住宿?識睇一定睇呢到!

延伸閱讀: