診所職場事

診所職場事 寶豬趣聞 旅遊保險|珍寶豬

職場

廣告

【診所職場事】有日有位女士嚟到診所。

佢行埋嚟登記處問我:「姑娘?你係咪識保險啲嘢?」
我:「你指填意外保險嗰啲?」
佢:「旅遊保嗰啲呀」

撰文:珍寶豬

我:「呢啲你問返保險公司就可以啦~」
佢:「咁我咁啱喺呢頭咩,唔係關於病同要醫嘅就你哋診所都識㗎啦咩?」
我:「保險條款同受理範圍係要問返保險公司嘅,我哋唔會清楚晒每一間公司嘅條款」
佢:「唔係喎,我之前有睇過吓,話有事搵醫生㗎喎」
你而家有咩事呀?身體有邊度唔舒服啊?

我:「身體上有唔舒服嘅就梗係搵醫生,但係對條款有咩唔明嘅就係搵返保險嘅人~」
佢:「我知呀,你知日本嗰邊而家係疫區呀可?你知唔知我去到如果中咗招嘅包唔包醫呀?賠唔賠㗎?」

你知啲咩呀?
你仍然係一廂情願咁問緊我喎…
而且…日本幾時變咗疫區?

我:「你問返保險嗰邊啦,我連你買邊間旅遊保險都唔知,我真係答唔到你嘅」
佢:「我怕佢哋一陣知我去日本唔受保呀!」
我:「你買咗嘅又唔會突然話唔受保嘅,你都係去問吓佢哋先啦,佢哋先最清楚,我咩都唔知就咁答你都俾唔到咩建議你啊」
佢:「咁我仲去唔去好呀?取消嘅有冇得賠錢呀?」
你其實有冇聽到我講嘢㗎?一句呀?半句呀?

我:「小姐,條款嘅嘢你去問返保險啦」
佢:「我問你有冇得賠錢咋喎?」
我:「錢係咪保險公司賠啊?你唔係向我哋索償㗎嘛~咁梗係問返俾錢你嘅一方啦,明唔明啊?」

佢發晦氣:「我真係唔知你連呢啲都唔識答喎,唔好意思囉」

唔緊要,你以後知就得啦~

珍寶豬過往精彩文篇:

診所職場事 寶豬趣聞 藥丸唔夠硬|珍寶豬