盤點香港伏工四大特點 網民:是但中一個要即閃 |網民熱話

盤點香港伏工四大特點 網民:是但中一個要即閃 |網民熱話

【伏工.網民熱話香港一直以來多伏工就街知巷聞,不過無親身經歷過,大家都好難判斷究竟有幾伏。有巴打係連登討論區發勸世文,為廣大香港打工仔盤點伏工四大特點。

撰文:Purple弟弟| 圖片:電視截圖、unsplash

人工低仲當益緊你

首先,巴打自己就係連登發文順道分享自己嘅經歷,話自己當初畢業後第一份工就正是加入細公司

伏工 打工 工作 公司 同事 香港
圖片:電視截圖

由於當初經驗不足,公司開出的條件十分差,甚至當時的人事部經理更對巴打說:「人工低係因為要俾機會你學嘢。」巴打話即使過咗咁多年,再聽同一句說話,亦會令巴打怒火中燒。

老闆上司語言偽術

作為一間公司,對於一個剛畢業投身社會嘅年輕人給予較低的人工,其實都是正常的,但又為何要以俾機會學習作為借口呢?

既然都要包裝自己嘅說話嘅時候,其實潛意識都明白自己的心虛。要不是心虛的話,又何需以謊言嚟包裝呢?

甚至有網友表示有hr試過係面試完畢後,問網友可否接受無人工嘅offer,又話因為公司可以用reference letter嚟代替人工,俾機會你去其他公司,呢啲說話一聽就知幾咁流。

伏工 打工 工作 公司 同事 香港
圖片:電視截圖

返工唔俾掂電話上網

雖然一間公司當然希望員工能夠全心全意咁工作,但係唔俾用電話又真係有啲過份。如果咁啱屋企火燭又或者有咩急事,係咪個老細賠償所有損失先?諗得出要人唔好掂電話果位仁兄,我都唔知要俾個嬲定俾個哈哈笑佢。

甚至有網友分享公司嘅電腦連網都上唔到,真係慘。

順便當應分

以上5個字望落去雖然好似無乜嘢,但其實殺機滿佈。老闆經常會借意叫我地做埋吃力不討好嘅工作,例如要你去印吓嘢,處理放假同事嘅工作等等。呢類嘅工作根本都就需要聘請其他人甚至多一個人嚟幫忙先可以完成,成日儲順便嚟行兇,真係好可怕。

相關文章