90後打工仔唔再係獅子山精神 香港特色奴性思維3大特質|Purple弟弟|網民熱話

90後打工仔唔再係獅子山精神 香港特色奴性思維3大特質|Purple弟弟|網民熱話

90後網民熱話】身為香港嘅90後年青人,對我嚟講獅子山精神只係一個概念詞!上一輩人嘅刻苦耐勞,依家變成OT冇補水,升職冇你份;上一輩嘅靠雙手養起頭家,呢一代變成做到死都無屬於自己嘅蝸居,人生只得返工同放工嘅我,可能叫「大霧山(大帽山)精神」比較貼切,好多90後睇唔到希望前路茫茫,搵唔到出路!

撰文:Purple弟弟 | 圖片:電視截圖、unsplash

香港特色奴性思維

祖國有中國特色社會主義,而我哋則有香港特色奴性思維。佢哋通常有以下特質:九唔搭八,邏輯混亂、接受程度冇下限、唔肯自己用腦。 以下會為大家一一拆解案例!

網民熱話 90後 員工 辦公室 打工仔 獅子山精神 返工
祖國有中國特色社會主義,而我哋則有香港特色奴性思維。圖片:unsplash

特質一:九唔搭八,邏輯混亂

呢類人係逃避當解決事情嘅表表者,你同佢講後生仔好難買樓,佢會同你講月入9千都可以儲4千!你聽完嬲到不得了,先用行雲流水嘅粗口問候佢全家,再破口大罵:「一個月儲到大半份糧就唔難買樓啦咩?」佢就會回一句:「咁你移民囉!」

情況就好似你係學校籃球隊嘅一員,一路殺到入決賽,上半場完結落後緊10分,你問教練如何是好?下半場應該如何變陣應對?教練不疾不徐咁答你:「打第二隊咪唔使輸囉!」

網民熱話 90後 員工 辦公室 打工仔 獅子山精神 返工
呢類人九唔搭八,邏輯混亂,係逃避當解決事情嘅表表者。圖片:電視截圖

特質二:接受程度冇下限

所謂接受程度冇下限,簡單啲講即係乜都接受到,而呢類人嘅口頭禪往往都係「係咁㗎啦!」

「Peter仔我哋上星期食呢間餐廳好似係40蚊一個飯,依家要成45蚊!」、「係咁㗎啦,你咪又要食!」、「係就係,但你唔覺得…….」,然後Peter仔就會打斷你:「香港地係咁㗎啦!」

相於呢類特質嘅人,我深深懷疑佢哋以前讀書嗰陣冇學到「合理」呢兩個字!你同佢講任何唔合理嘅事都可以用一句「係咁㗎啦!」四兩撥千斤,令人聽落個問題好似唔係問題,唔合理瞬間變成合理!呢種被人侵害自己利益仲幫人講好說話嘅生物,相信係世間少有。

網民熱話 90後 員工 辦公室 打工仔 獅子山精神 返工
所謂接受程度冇下限,簡單啲講即係乜都接受到。圖片:電視截圖

特質三:唔肯自己用腦

呢一類情況好少出現喺後生仔身上,通常係上咗年紀嘅會比較多!佢哋睇乜就信乜,完全唔會自己求證,更加唔會去學習新事物,所以會認為一切新事物都係垃圾。無錯,佢係認為在座咁多位都係垃圾。

相信大家以前都有收過啲SMS,當然依家WHATSAPP為主,係叫你係限時之內轉傳俾幾多個人,否則你就會點點點。呢類人會二話不說照做,當你問佢「你覺得係真㗎咩?」就會馬上觸發到佢哋啟動大腦答你「點會係真?哈哈!」

網民熱話 90後 員工 辦公室 打工仔 獅子山精神 返工
佢哋睇乜就信乜,完全唔會自己求證,更加唔會去學習新事物,所以會認為一切新事物都係垃圾。圖片:電視截圖

當你滿懷安慰,發覺原來佢都係一個正常人之際,佢下一句就即刻破功「但寧可信其有啊嘛,我又冇蝕底!」

其實我係創世神,創世神近排手頭好緊,可唔可以借住啲錢比我先。咩話?你話我一定唔係創世神?咁你點證明我唔係先,寧可信其有啊,俾咗錢我保你全家平安啊。講完一大論,遇著呢啲人可以點?我點知啊,因為我都係呢啲人!係咁㗎啦,完。

網民熱話 90後 員工 辦公室 打工仔 獅子山精神 返工
身為香港嘅年青人90後,對我嚟講獅子山精神只係一個概念詞!圖片:電視截圖

相關文章