見伯母即係送羊入虎口 月入$13,000見女友家長 點知⋯|網民熱話

見伯母即係送羊入虎口 月入$13,000見女友家長 點知⋯|網民熱話

【見伯母.網民熱話】喺香港地作為一個無家底嘅男士,對已經踏足社會嘅Lady嚟講已經冇咗一大截吸引力!不過唔緊要,筆者尚算俊俏,係死好命情況下識到現時呢位電視劇中的絕世好女友,佢唔拜金、唔會當街掌摑我十四巴,拍咗幾年拖,佢終於決定帶我返屋企見伯母!

撰文:Purple弟弟|圖片:電視截圖、unsplashPhotoAC

伯母 想留完美印象 

眾所周知,見家長即係送羊入虎口,由你踏入佢屋企門口果一刻開始,你就要接受連珠炮發嘅審問:

「你哋點識㗎?」

「做嘢果陣識㗎,Auntie!」

「你做邊行?」、「住邊啊?」、「屋企有無兄弟姊妹?」

跟住落嚟我大約答咗百幾條呢類問題。

不過其實我唔介意答呢類窺探我背景嘅問題。

最令我苦惱嘅係,答每一條問題都要思考點樣表達先至可以做到大方得體,喺伯母心目中留下一個完美嘅印象。

 月入13,000 女友 食飯 伯母 家長 拜金 電視劇 社會
眾所周知,見家長即係送羊入虎口。圖片:電視截圖

伯母 竟然問我人工

終於到食飯環節,我將多年嚟從未實踐過嘅table manners發揮得淋漓盡致。

伯母都開始直入主題,殺我一個措手不及:

「咁Purple你依家月入幾多啊?」

我心諗,唉玩完啦今次!

「um…萬三依家,不過我都係出嚟做咗一年嘢。」

我豪無廉恥咁用啱啱出社會工作作為擋箭牌!

 月入13,000 女友 食飯 伯母 家長 拜金 電視劇 社會
我豪無廉恥咁用啱啱出社會工作作為擋箭牌!圖片:photoAC

伯母後 無耐就分手

「係咁上下啦,以後會升職加人工㗎嘛你仲後生!」

估唔到伯母咁通情達理,感動到我眼淚在心裡流。

不過無幾耐我就同呢個女朋友分手,佢都坦言伯母叫佢考慮清楚係咪同我一齊,而佢亦都有所動搖!

網民熱話 女友 食飯 拍拖 將來 收入 見伯母 見家長 拜金 電視劇 社會
伯母後,無耐就同女友分手。圖片:unsplash

當一個女仔心入面諗「有得揀,點解唔揀個條件好啲嘅時候!」

咁呢段愛情已經唔係由感情主導,變成係由背景、家底主導,我都係比心機搵多啲錢先追女仔啦,唉。