診所職場事【寶豬趣聞】 拎報告 下回 |珍寶豬

診所職場事【寶豬趣聞】 拎報告 下回 |珍寶豬

診所職場事】上回講到有位女士急住要報告,自己死催爛催,居然打電話叫佢嚟拎報告時,

佢唔知鬼上身定夢遊叫我喺佢放假時唔好再打俾佢。我尊重佢嘅決定,所以我冇再打俾佢。直到診所閂門,佢都未嚟拎報告…

撰文:珍寶豬

星期一早上,我依舊拎起電話聽留言。

你有十六個新訊息,收聽請按1字。(只節錄部份)

『喂?診所呀?喂!有冇搞錯呀?又話有報告拎嘅?我而家喺門口呀!冇人㗎

喎!喂!開門啦!我喺你門口呀!』

我放假唔好搵我。我放假你打嚟做咩呀?

『喂?喂!仲未開門喎?我份嘢趕住要㗎!又係你話星期六一定有得拎㗎喎?

而家即係點呀?我嚟到你又唔喺度!喂?喂?喂!!』

我放假唔好搵我。

『喂?我去行咗個圈再返嚟,你都未開門喎?搞乜呀?你唔開門我點拎報告呀

廢柴!』

我放假。

『你間嘢係咪痴_線㗎!我喺度咁耐你都唔開門,你唔開門都俾份嘢我呀!我

趕住要㗎嘛!今日唔拎得就算啦!聽日拎得未呀?你遲咗俾唔到我咪出聲囉!

今日唔得咪聽日囉!』

聽日我都放假。到星期日嘅留言:『喂?我呀?拎報告呀?今日又幾點開呀?你玻璃嗰度寫星

期日及公眾假期休息,玩_我咋嘛?你唔_係唔開呀?』

哦?係真㗎,今日我放假。

『喂?開門呀!開門呀!我今日拎唔到我唔走㗎啦!』

你放假嘅節目好充實啊。就係喺我哋診所門口坐足一日…

咦?點解頭先我開門唔見你嘅?你去咗邊呀?

就喺我仍然聽緊佢嘅留言時,佢衝咗入嚟診所。

一輪咀又鬧:「有冇搞_錯呀!話咗星期六有得拎!今日星期一啦!我要返工

㗎!你有冇搞錯呀?你有冇責任心㗎?放假有咁_重要咩?可以唔聽我電話㗎

咩?可以唔俾報告我㗎咩?」

我將份報告放喺枱面:「得㗎啦,你可以走㗎啦」

佢拎起報告,離開前醒多我一句:「你冇責任心嘅唔好做啦!發神經」

哦。

延伸閱讀:

診所職場事【寶豬趣聞】 拎報告 上回