老屎忽同事日日炫耀兒子名成利就 我只想說:「別煩著我」
廣告
大家有冇試過遇到一些麻煩同事，大多數是老屎忽，成日同身邊D 同事講自己個仔考到咩工，25歲已經月入5萬多，差唔多每見你一次就同你講一次佢個仔的最新動態。而呢種老屎忽多數是沒生產力，成日R 水吹，其實唔係想聽你講，只不過係想哂命，不停係咁講自己個仔的威水史。
撰文: 十文治 | 圖片:Visualhunt
1)得閒冇嘢做就過來R 水吹
呢種老屎忽成日射波，搵親你多數唔係傾公事，而係又講佢個仔搵幾錢。我真係心諗其實你想我答你D 咩。次次見到你都調頭走，呢種老屎忽都會走埋黎同你講重覆的說話。講得多真係好老土。而且重點係全部都係廢話同講過N 次。
2)最叻認屎認屁
當有邊個同事升職或跳槽去更好的offer ，呢個老屎忽又會話係我叫佢咁做。我真係聽到反哂白眼，有時真係想唔理佢，你問佢正經嘢就唔覆，佢講D 無聊嘢就得。
3)成日叫人quit
呢種老屎忽好鍾意叫人quit，話呢份工唔夠高人工，做咩唔quit。我真係好唔想理佢，你自己留咁耐日日尸位素餐叫人quit。
你自己冇料早出世，競爭唔似現在。人望高處個個都係，但有時人在江湖，你估真係自由身咩?
4)講淫嘢以為自己好威
經常講自己以前的風流史，北上尋歡的過程，但其實隔離有好多人，我真係好想走，你屋企係咪冇人聽你講嘢。
