珍寶豬

診所職場事【寶豬趣聞】私隱|珍寶豬|睇醫生

職場

廣告

有日一位男士神情緊張嚟到診所。

佢行埋嚟登記處唔出聲,我:「先生?係咪睇醫生呀?係嘅同你登記呀」
佢:「我想問驗身…」

撰文:珍寶豬

我:「可以呀,我同你登記呀」
佢:「你可唔可以同我睇吓我有冇屋企人朋友喺度睇過呀?」
我:「吓?」
佢:「我啲屋企人同朋友呀」
我:「我哋唔會話你知㗎喎,而且我都唔知邊啲人係你朋友同屋企人啦」
佢:「我知佢哋叫咩名㗎嘛,我寫俾你呀,你同我睇吓佢哋有冇喺度睇過呀」
我:「先生呢啲私隱嚟~我唔會講你知㗎,唔會幫你CHECK㗎」
佢好焦急:「咁都唔得,我想搵間冇識嘅人睇過啫」
我冇出聲。

佢:「你真係唔可以睇咗有冇我識嘅人睇過?」

我:「唔得呀」
佢:「咁附近有邊間冇人睇過㗎?」
冇人睇嘅診所早就執咗啦下話?仲留喺度蝕租咩…

我:「我真係唔知呀先生」
佢發爛渣:「你咩都唔知唔做,你喺度做咩呀?」
喺度俾你鬧囉,係咪好有人生意義先?感唔感動呀你?

我:「我喺度等緊你話我知係咪要睇醫生,係嘅我就同你登記,其他嘢我就幫你唔到㗎啦,你要登記就俾身分證我啦」
佢:「我要做好私人嘅檢查,我要確認呢度冇我識嘅人呀!」
我:「我都唔識你…醫生都唔識你…」
佢:「我夠唔識你啦!」
我:「咁咪得囉~登唔登記?」
佢:「我有朋友嚟睇過嘅點算呀?」

我:「先生呀,我哋呢~就唔會周圍同人講邊個邊個嚟睇過醫生嘅,唔係明星嘅話呢,冇人會有興趣知㗎。你係咪明星呀?睇你都應該唔係啦,所以你唔駛
擔心喎,係咪登記呀?」
佢終於俾我感動到拎身分證出嚟登記了。

體驗1分鐘貸款批核,隨時提款話咁易!

申請DBS Black Card簽賬滿$5,000,即換取台灣來回機票!

延伸閱讀:

診所職場事【寶豬趣聞】透氣|珍寶豬