診所職場事

診所職場事【寶豬趣聞】 恩客|珍寶豬

職場

廣告

【診所職場事】有日一位先生嬲爆爆咁衝入嚟診所。

佢拍咗登記處枱一下:「喂!」
我:「啊?你頭先咪嚟過嘅?漏咗嘢?」

撰文:珍寶豬

佢拎出病假紙:「係你哋做錯嘢要我專登落返嚟呀!」
我望望張病假紙:「寫錯咗?邊度寫錯呀?」
佢冇出聲,由得我自己喺度捉錯處,我:「不如你話我知邊度錯啦?」
佢:「你食屎啦!你連自己錯咩都唔知?」
咁又唔駛下下食屎嘅,你有咁嘅癖好都唔需要周圍同人講嘛。
我:「張病假紙醫生寫嘅,你直接講我知邊度錯啦,我要叫醫生再寫過㗎~」
佢:「佢連我係習慣放兩日假都唔記得呀!我喺度睇咗幾耐呀?睇咗幾多次呀?我課金課咗幾多年俾你哋呀?」

啊~講到恩客咁款喎。介唔介意我講句公道說話?『過主啦你,靠你課金養家嘅,我哋死咗十八轉啦』

我:「哦~醫生唔會因為係你習慣放兩日病假就寫兩日俾你啊,醫生係要睇你嘅病而決定嘅,不過如果你真係好唔舒服嘅,工作性質上係要比較專注嘅,都可以直接同醫生講你需要多一日休息嘅,唔駛咁勞氣喎」
佢:「我唔勞氣就假啦下話?大熱天時你要我行多轉過嚟呀!我成條褲都由頭濕到尾呀!你喺度涼住冷氣梗係冇所謂㗎!你啲冷氣錢都係我課金俾你嘆㗎」
既然有你份嘅,除褲啊,俾冷氣吹乾條褲先走囉。
我:「先生,唔好下下都咁勞氣啦,我一陣就入去同醫生講你想要多一日病假,你坐坐先呀,轉頭入去見見醫生」

佢行埋去坐低大嗌:「開大啲個冷氣啦!家陣我冇課金俾你呀?」

醫生,你個大恩客啊。

體驗1分鐘貸款批核,隨時提款話咁易!

申請DBS Black Card簽賬滿$5,000,即換取台灣來回機票!

延伸閱讀:

診所職場事【寶豬趣聞】 經期小姐