25歲月儲15K 目標5年內結婚上車 靠買滙豐利福比亞迪 能否達標 | 月供股票 | 龔成信箱

25歲月儲15K 目標5年內結婚上車 靠買滙豐利福比亞迪 能否達標 | 月供股票 | 龔成信箱

【滙豐】今日龔成信箱,不少讀者想為未來作打算,應如何實行投資計劃,亦提及熱門的股票以及投資心態等問題,當中包括中資航空股、收息股、月供股票、短炒、中電華大科技(0085),以及港燈(2638)的提問。

撰文:龔成 |圖片:新傳媒資料庫

1.月供股票投資組合

龔成老師你好,我現時25歲讀緊博士,平時一直有做part-time, 月儲15k, 今年年初先開始留意老師個page然後研究下投資股票(跟住覺得自己錯過左好多投資既機會, 希望宜家起步唔會太遲).目標係30歲前結婚買樓成功.

之前用了約130k投資落現時依個股票組合:
6823 3手
0005 1手
1211 1手
1212 1手
2318 1手

想請教下老師,
1) 暫時我依個投資組合有冇問題?

2a) 我plan緊將果1手0005轉做一啲平穩增值股, e.g. 1手 1038 / 1928, 你覺得有需要嗎?

2b) 1928似乎增值能力較強? 但現時~$46位偏貴, 係咪應該先考慮1038?

3) 現在儲蓄剩下約200k ,老師建議現時市況下應否繼續買入其他股? 如果可以, 應該動用幾多? (自己個plan係每約2-3個月入一次貨, either增持/買入其他)
謝謝老師!

龔成老師:

1)投資組合內都是有質素的股票,同時以你的年紀應該有一點增值力,而這個組合大致做到這情況,因此沒有問題,你長線持有就可以。

2)可以唔洗轉。雖然滙豐(0005)的質素不及金沙(1928)或長建(1038),但以現時的股價平貴水平,滙豐算是較平的,同埋你持有的貨唔多,轉來轉去,而又不是轉到對比很大的股價,對組合的作用不大,反而之後不用增值滙豐就可以了。

金沙現時的價位的確不平,所以如果真的要考慮,長建的確較好。

3)你可以考慮用多$5萬-$10萬買貨,但不要心急,因為現時大市又不是平宜區,所以慢慢分注入是較好的。例如每2個月入一次,每次$2萬-$3萬,這樣已經可以。

以你現時的組合情況,入住盈富(2800)先,除非到時見到有某些優質股大跌,先考慮該優質股。(對照龔成信箱:Q6251)

上車 滙豐 利福 比亞迪 龔成信箱 月供股票
雖然滙豐(0005)的質素不及金沙(1928)或長建(1038),但以現時的股價平貴水平,滙豐算是較平的。

2.月供股票

老師,我30 age,月儲 $8,000

想月供股票
可以如何分配?

是否將一半 $4000 作現金儲備 留待 股市跌時入貨?

 

龔成老師:

如果你本身無持有股票,現時應該儲翻d股票,以這刻的市況平貴來說,一邊月供,一邊儲現金是最好的。因此,你每月將其中的$4000,用作月供,是最好不過的。

餘下的資金,就先儲現金,然後等機會。

而你30處,仍然有增值的能力,可以大部分供平穩增值股,例如$3000供盈富(2800),然後小注供潛力股,例如$1000供疑比亞迪(1211),這樣的組合都算平衡。(對照龔成信箱:Q6240)

3.中電華大科技(0085)

00085中電華大科技,點睇?

龔成老師:

中電華大科技(0085)主要從事集成電路芯片之設計及銷售。企業唔算有明顯的技術及優勢,睇翻佢近年的財務數據,生意無增長,盈利亦有點波動,因此令股價都較為波動。

這股的投資價值只屬中等,唯一吸引的,是現時的市場估值不貴,但由於本質較有風險,因此如你看好,都不宜太大注。(對照龔成信箱:Q6231)

4.港珠澳大橋通車

成哥你好, 又有野想請教。關於308, 港珠澳大橋通車係唔係應該會增加不錯既收入, 而且24小時都行駛及票價比船飛平一半。

本身既業務佢唔同既景區收入都好似有增長, 公司利潤比上年增加200幾%, 長遠睇係唔係都係一隻優質股,用市價入市可唔可行?

 

龔成老師:

香港中旅(0308)佢有好多業務:旅行社及相關業務、酒店業務、景區業務、客運服務等,因此在佢的收入結構中,雖然都會因港珠澳大橋而受惠,但整體能帶動多少,當中都有未知數。

因為佢過往的客運業務,真正的盈利只有$1億多,而佢上年度的總盈利述到$11億,所以對佢幫助未必大得好緊要。

以佢現時的估值,都算合理,這企業都會增長,但就不是高速,而是平穩。(對照龔成信箱:Q6232)

5.港燈(2638)

2638息口一直都唔差
但睇佢公司狀況每年賺錢愈來愈少 可能因為行業發展技術已經成熟問題 同埋早排公佈既2018-2020賺錢亦一年比一年少

這狀況會影響未來派息嗎?
因為打算一直長供收息
5年至少

同埋遲下會著重天然氣發電
又負債又高
加息周期又差不多到
系咪都會影響?
原本打算今年7月開始月供
但好似太多唔好既消息出現

龔成老師:

由於港燈(2638)用全派息的政策,所以是一隻不錯的收息股,你見佢過往的股息穩定,就是因為佢將全部賺得的盈利都作派息。

但這亦會有利有弊,當佢100%派息,企業就會變成無增長,所以,好睇你的投資目標係乜野,想收息還是增值。

由於佢有利潤管制協議,因此某程度是保障左佢的利潤,就算將來的燃對價格上升,佢都可以用協議去同政府申請加電費,令佢盈利得以保持。

佢負債多的原因是由於用息差去賺錢,利用較平的利息借錢,然後投資,只要加大固定資產,佢就可以憑協議定落的賺更多。因為協議所定的,是基於「固定資產平均淨值」去作基準計算,從而定出佢的利潤,以及電費。

如果你想儲收息股,這股當然可以月供,但真的要睇你自己的投資目標,想增值,還是收息。(對照龔成信箱:Q6233)

上車 滙豐 利福 比亞迪 龔成信箱 月供股票
港燈(2638)過往的股息穩定,是一隻不錯的收息股。

6.中資航空股

本人都幾鐘意中資航空股,不過短炒,現時仲有#3323 ; #489,

不過我想買一股可持有長時間啲, 地產股?

 

龔成老師:

無論是甚麼股,我對短炒一向有保留,這是經驗之談。

中國建材(3323)、東風集團股份(0489)質素都不差的,都有投資價值,可長線投資。

至於地產股,只要是有規模,有質素的,不少都可長線投資,香港的地產股較穩健,因此較有投資價值,而內房風險則較高。(對照龔成信箱:Q6234)

7.太平洋航運(2343)

龔老師,想問問2343 太平洋航運你點睇?
謝謝你解答

 

龔成老師:

太平洋航運(2343)質素算是中等,航運股比較有週期性,並不易投資,佢係好有規模的公司,經營三大海事業務:乾散貨船、拖船及駁船及滾裝貨船業務。

佢近年的盈利較弱,所以仍處較低潮時期,不過有好轉情況,這股都算不太差,預期下年盈利會有明顯改善。

雖然都有投資價值,但這類週期股,始終質素不會太高,所以要控制注碼。(對照龔成信箱:Q6235)

8.卓悅(0653)

龔成老師 我自已四月頭果陣覺得港元平 香港零售業復甦 覺得卓悅有得大升 0.28入左兩萬股 其實睇番佢年報雖然蝕錢 但都係一次性 加上董事密密增持 估佢出業績應該會爆升 升到0.39 都未放,而家回左少少,老師點睇呢隻股?會唔會其實係老千股 比大戶殺?

買完之後覺得呢隻股基本面唔好 好擔心 但好似大股東係咁買貨又暗示似會爆升

龔成老師:

卓悅(0653)的質素不及莎莎(0178),我地的策略,是寧願會貴少少買優質股的。

以佢現時的估值約十幾億,都算是合理價,這股質素雖不及莎莎,但都不算好差,算是不過不失,基本面都算可以,都有投資價值,但就不能太大注。

佢又唔似係老千股,都有長線持有的價值,但真的不會佔組合太多。

(對照龔成信箱:Q6236)

 

9.長線投資

之前高追左2628 中人壽, 26.4 入, 長線仲值唔值得持有?

 

龔成老師:

中人壽都是有質素的股票,但由於近年佢的增長較少,所以難免有股價上反映。以這股現時的價格來說,都是合理價,但中人壽你預佢的增長力,的確弱一點。

你都可以長線持有,但就未必有太大驚喜,平穩發展可以,要上翻去你的買入價都可以的。(對照龔成信箱:Q6237)

 

10.煤氣(0003)

我有個問題,三號中華媒氣適唔適合長期持有,因為我見有賺想沽左佢入其他股

龔成老師:

煤氣(0003)是優質股,可以長線投資,我地從企業本質的角度分析,了解到這股有壟斷市場,仍然有增長能力,加上賺錢能力不錯,因此長線仍然正面。(對照龔成信箱:Q6239)

The user will never see this