診所職場事【寶豬趣聞】即刻｜珍寶豬

職場

Sep 20 2018

【診所職場事】有日有位小姐嚟到診所。

佢問我：「你哋係咪可以即時搞掂我呀？」
我哋冇殺手喺度喎…

我：「唔好意思呀小姐，我哋呢度診所嚟，可以睇醫生嘅，你係咪要睇醫生呀？」
佢：「我唔知要唔要睇，你話我知係咪可以即時搞掂我就得啦，你話要睇嘅我咪睇囉，最緊要即刻。」
我：「你有咩事咁急呀？」
佢：「我抖唔到氣呀！」
…咁你而家係咩境況？冇抖住氣咁嚟同我講嘢嗎？

我：「感覺抖氣冇咁順呀？你俾身分證我呀，我同你登記呀，轉頭入去俾醫生睇睇呀」
佢：「即刻㗎嘛？」
我：「好快㗎咋，而家登記，轉頭就入去見醫生㗎啦」
佢：「我係講抖氣呀」

我：「俾醫生睇咗先啦，就算食藥都要俾時間藥力發揮咁嘅」
佢一臉不屑：「你咁講我係咪可以唔俾錢住呀？」
醫生，呢度好似有人想睇霸王醫生啊！

我：「診金同藥費係睇完醫生拎藥嗰時俾嘅」
佢：「你有冇即刻解決我嘅問題先？」
我：「食完藥都需要啲時間嘅」
佢：「嘖！」
我冇出聲。

佢自己行咗出去，轉個頭又返嚟診所。
佢問：「點呀？有冇得即刻呀？」
即刻打你靶，MAY I？
我：「你要睇醫生嘅話，我就即刻同你登記～」
佢：「我係要即刻搞掂我嘅問題呀」
我：「醫生會盡量幫你㗎啦～」
你俾我登記啦！頂你個制～

佢：「now or not now？」
我撈你！
我：「冇一種藥係可以即刻醫好人嘅，配合休息都係好重要～」
佢：「廢話！咁我唔駛嚟睇醫生啦，我返屋企瞓個覺得啦」
佢講完之後離開診所，再冇返轉頭～應該返咗去瞓覺啦。

體驗1分鐘貸款批核，隨時提款話咁易！