KOL年代宅喺屋企都有錢收 杜小喬阿媽：以為個囡比人包
廣告
網紅年代，個個都做youtubers，爭住做KOL，因為有廣告商青睞，返工時間又自由，而且紅的話，收入都唔錯，如早前Ming仔就被指月入超過25萬，所以youtubers的產生如雨後春筍。
撰文：Monday Blue | 圖片：杜小喬instagram
杜小喬在節目中都講：「屋企人都唔知自己做緊咩，成日問你唔洗返工架咩，唔洗見朋友架咩，你冇嘢做架」，甚至有一段時間杜小喬媽媽同個女講：「你唔好做D唔係咁好的嘢」。杜小喬都覺得媽媽會唔會誤會自己比人包。
但杜小喬好知自己做D咩，知自己想做傳統藝人，咁都會將自己的一D 功課同媽媽講，話：「呢D係我做的廣告啊」，用佢聽得明的字眼，而不是網紅，希望佢會明自己做緊D咩。
而對於自己IG 有30幾萬followers，杜小喬阿媽都唔知呢個係咩概念，仲心諗：「吓，你都有咁多人睇」。
杜小喬都係解釋你當我係做電視嘅，不過呢個電視的平台係唔一樣，果30幾萬followers係觀眾。
