做保險的舊同學 用盡方法約我出嚟 3大開場白 你一定聽過|網民熱話

做保險的舊同學 用盡方法約我出嚟 3大開場白 你一定聽過|網民熱話

【保險.網民熱話】身邊總有幾個同學去咗做保險,然後佢哋總會經常在Instagram 同Facebook不斷講自己幫到好多人,好開心的樣子。又話估唔到自己可以以生命影響生命。好似入咗邪教咁。如果你同我一樣,有舊同學做保險,咁以下呢三大開場白,你一定會聽過或者見過啦!

撰文:人來人往|圖片:unsplash

保險開場白1) 突然whatsapp問你想唔想發達

通常第一句都係「hi,好耐冇見,冇跟吓你近況,你呢排點?」跟住答完話返緊工,佢竟然問我:「其實淨係返工好難發圍,認真,你想唔想發達?」我心諗:「你個問題得一個答案。」

網民熱話 保險業 賣保險 理財 買樓 工作 職場
通常第一句都係「hi,好耐冇見,冇跟吓你近況,你呢排點?」圖片:unsplash

睇佢IG知佢做緊保險,唯有答佢:「想,我近期睇中觀塘個私樓,咁你係咪借1,000萬畀我」之後佢就覆我,想買樓可以join 呢個保險plan,跟住我就block咗佢whatsapp。

網民熱話 保險業 賣保險 理財 買樓 工作 職場
問你想唔想發達?」我心諗:「你個問題得一個答案。」圖片:unsplash

保險開場白2) 我有個獎拎到

佢會話:「呢一年我入行幫到好多人,所以我的努力都見到成效,我現在差一點點就可以拿到一個獎,但就是差你一個人頭我就追到數,我就可以贏到呢個獎。」

你可能會心諗:「你有冇獎關我咩事」所以呢個時候最好就係block 佢whatsapp。

網民熱話 保險業 賣保險 理財 買樓 工作 職場
你可能會心諗:「你有冇獎關我咩事」所以呢個時候最好就係block 佢whatsapp。圖片:unsplash

保險開場白3) 有冇諗過居安思危呢?

佢會話:「你呢排撈得好掂,但你有冇為你人生諗過點樣理財理得更加好?」我真係心諗:「我連今晚食咩都未諗,你叫我諗將來?」

網民熱話 保險業 賣保險 理財 買樓 工作 職場
佢會話:「你呢排撈得好掂,但你有冇為你人生諗過點樣理財理得更加好?」圖片:unsplash