診所職場事【寶豬趣聞】成為有錢人 上回  |珍寶豬

診所職場事【寶豬趣聞】成為有錢人 上回 |珍寶豬

【診所職場事】有日一位女士嚟到診所。

佢行埋嚟登記處同我講:「同我叫醫生出嚟~」

我認得佢係噚日嚟過睇醫生:「啊?你噚日嚟過㗎嘛?有咩事要搵醫生呀?」

撰文:珍寶豬

佢:「你記得就好啦,我食完啲藥冇咩效咋喎」

我:「你食咗幾多次呀?你有冇帶啲藥嚟?俾我睇睇呀~」

佢:「啲藥咁廢我掉咗啦,留嚟做咩呀?」

你唔掉埋你自己嘅?你要嚟嘈都要留條屍呀~

我:「做人做咩咁衝動呢,我哋可以換藥俾你㗎嘛,而家你咩都冇,我換唔到俾你㗎」

佢:「咁退錢囉」

很重要的重點,退錢都需要有嘢退先可以退到啊。

我:「你咩藥都冇拎返嚟就退錢啊?點退俾你啊小姐~而且藥呢啲唔係食一兩次就好㗎~」

佢:「我覺得食唔好嘅仲需要食㗎咩?」

醫生既然都深信你仲有得醫,你又何苦咁早自我放棄呢?

我:「你食咗一日嘅邊有咁快好呀~要時間嘅」

佢拍枱:「你而家係咪唔退錢呀?我大把時間大把錢,我唔志在呀,我慢慢同你玩!」

我:「我哋唔係玩㗎小姐,我好認真㗎,藥物都係舒緩你嘅病徵為主,所以唔會係一兩日就完全好晒㗎~你要唔要再睇過醫生,拎返啲藥食呀?」

佢:「我大把錢呀大把時間呀!我慢慢同你玩!」

我:「小姐,我個人就冇咩錢,所以先要返工亦冇咩時間同你玩嘅。如果你想我同你慢慢玩,你一係就將我變成好似你咁有錢先?」

佢可能一時諗唔明我講咩,冇反應。

延伸閱讀:

診所職場事【寶豬趣聞】搵工的少女

診所職場事 寶豬趣聞 搵工的少女 珍寶豬

診所職場事【寶豬趣聞】有用的話

診所職場事 寶豬趣聞 有用的話 珍寶豬