人工$13,000 好想向上流 思想窮比銀包空更恐怖|Purple弟弟|網民熱話

人工$13,000 好想向上流 思想窮比銀包空更恐怖|Purple弟弟|網民熱話

人工網民熱話】「近朱者赤,近墨者黑」人人都聽過,不過矛盾嘅係又有物以類聚呢樣嘢,我自認我係偏向「黑」果方面嘅人,咁我咪成世都「近朱」唔到?我人工唔高,只係得$13,000,身邊同事都差唔多。雖然我唔係好等錢養家,但我出社會後反而比讀書時期更努力,更想向上流,因為我接受唔到我身處嘅圈子!

撰文:Purple弟弟 | 圖片:unsplashPhotoAC、電視截圖

唔係歧視窮 而係歧視佢哋特質

相信唔少人都聽過對於某部分男仔嚟講,女仔講粗口係佢哋心目中係加分!

好多人會不解,但其實佢哋都知「講粗口」呢樣嘢唔係好事,但佢哋鍾意嘅係「講粗口」呢種女仔嘅特質。

因為好多時呢類女仔會比較不拘小節、收放自如,對住朋友可以好癲,對住屋企人又可以文雅端莊。

網民熱話 人工 13000元 貧窮 窮人特質 投資 思想窮 銀包空 Purple弟弟
好多時呢類女仔會比較不拘小節、收放自如。圖片:unsplash

同樣地,我唔係討厭窮人,更何況我都係。

而係我頂唔順佢哋嘅特質,我總結咗以下幾種,唔知大家有冇同感。

網民熱話 人工 13000元 貧窮 窮人特質 投資 思想窮 銀包空 Purple弟弟
我唔係討厭窮人,更何況我都係,我只係頂唔順佢哋嘅特質。圖片:電視截圖

慳埋無謂嘢

我明白你窮當然要顧慮金錢,但有時關乎健康嘅事都求求其其,三餐唔定時我當係工作環境所逼,但點都會有午膳時間。

但好多打工仔為慳錢咬個包就算,以健康做代價,仲要未必慳到好多,病咗仲得不償失。

而且佢哋只會不停諗「節流」,我心諗節乜鬼,你本身搵咁少仲可以點節?不如諗下點搵多少少向「開源」方面發展啦。

網民熱話 人工 13000元 貧窮 窮人特質 投資 思想窮 銀包空 Purple弟弟
以健康做代價,仲要未必慳到好多,病咗仲得不償失。圖片:unsplash

窮到視野狹窄

窮人喺比較政治同深度少少嘅話題上永遠都傾唔埋,講政治又話「關我鬼事」,討論少少熱話,角度又嚇死你!

以消委會最新話某國產店出售嘅20蚊洗面奶CP值高於名牌為例,我都有同我身邊嘅人討論下。

結果佢地只係覺得「哇!咁買名牌做咩?!」

於是我嘗試同佢哋分享我睇法,我覺得比嚟無意思,咁名牌個名都值少少錢,再加上人哋都要開發配方,可能材料係平,但背後都花唔少錢。

網民熱話 人工 13000元 貧窮 窮人特質 投資 思想窮 銀包空 Purple弟弟
窮人喺比較政治同深度少少嘅話題上永遠都傾唔埋。圖片:電視截圖

而國產店賣得平,係因為一句唔該就拎個人哋個配方加加減減,實平少少。

但結果只換嚟一句:「我唔知啦,總之依家就係佢又平又好用!」

但可笑嘅係佢哋又會網購仿真名牌衫,唔係話又平又好用就得啦咩?

做事無邏輯

收入低嘅人好多時都衰在唔肯再去了解任何事,學習任何新事物,但又想嘗試新嘢!

就好似我明明唔識踢波,但我好想踢,我唔理,我要買曬好貴嘅波鞋波衫先至諗!

所以你見唔少打工仔,佢地嘅投資理念唔係嚟自電視上嘅分析師、就係陳師奶。

網民熱話 人工 13000元 貧窮 窮人特質 投資 思想窮 銀包空 Purple弟弟
收入低嘅人好多時都衰在唔肯再去了解任何事。圖片:電視截圖

輸打贏要又唔肯學

問佢點解要買呢隻,永遠就話人哋都買咗唔通呃我咩?!

問佢點解睇升,潛力?財報?現價合唔合理?通通都唔知!

不過都算,最慘係佢哋輸錢會怪人,明明人哋只係分享自己睇法覺得會升,你就自己盲跟,可以怪邊個?

網民熱話 人工 13000元 貧窮 窮人特質 投資 思想窮 銀包空 Purple弟弟
你自己盲跟,可以怪邊個?圖片:unsplash

 

唔講投資,講返工作,有時上司頒布無謂政策,佢哋都只會死跟,無人諗過合唔合理,係咪真係有成效!

唉,我真係好想向上流,脫離呢個圈子嘅人啊,思想窮比銀包空可怕100倍!

網民熱話 人工 13000元 貧窮 窮人特質 投資 思想窮 銀包空 Purple弟弟
思想窮比銀包空可怕100倍!圖片:unsplash

 

相關文章