月入萬八 目標月收一萬股息 主攻潛力股可揀呢隻 |月供股票 |龔成信箱

月入萬八 目標月收一萬股息 主攻潛力股可揀呢隻 |月供股票 |龔成信箱

【潛力股】今日龔成信箱,不少讀者想為未來作打算,如何實行投資計劃,亦提及熱門的股票以及投資心態等問題,當中包括ETF、值博率、月供股票、增長股、收息股,以及供樓等提問。

撰文:龔成 |圖片:新傳媒資料庫、unsplash

1.潛力股

你好,我以家28歲,岩岩結婚生左個女,月入萬八蚊

岩岩開始學緊供股票,以家月供5千蚊,供緊電能實業同港鐵,如果我想月收5千至一萬股息,我可以點做請問有咩建議我可以做

 

龔成老師:

我地會用「先增值,後現金流」,即是說,你這刻不用著重現金流部分,反而投資增值力較強的項目,例如盈富(2800)、長建(1038)、銀娛(0027),港鐵(0066)都可以,但電能(0006)的增長力不算強,投資長建長遠會更好。另外,可以加小小在潛力股如比亞迪(1211)。

這刻你應集中供這刻項目,等你的財富滾存到一定水平時,你再將財富進行配置,到時先集中投資收息股,這策略是最好的。

(對照龔成信箱:Q7407)

股息 潛力股 龔成信箱 月供股票
【潛力股】圖片:新傳媒資料庫

2.華能國際電力股份(0902)

龔sir, 請問點睇902?可長線嗎?

 

龔成老師:

華能國際電力股份(0902)是不錯的股票,業務能平穩增值,但由於受燃料成本等因素影響,令佢的盈利較為波動,所以股價比波動。同時,企業質素亦不是最高。

但整體來說,都有投資價值的,不過投資金額就未必適合太多。

(對照龔成信箱:Q7411)

3.月供股票

Hihi 老師,我都係岩岩e兩個月先意識到投資既重要性, 所以同男朋友傾好要草錢, 我地大家都認同月供股票係個好方法..

宜家岩岩第二個月月供, 組合如下:

6供6k, 66供3k, 688供3k, 939供2k, 1211供3k, 2800供5k.. total供22k

睇左你好多個post之後見到你都會叫人唔好月供哂落去 要keep d cash等大跌市,所以我想改由下月開始月供組合做:

6供3k, 66供3k, 688供3k, 939供2k, 1211供3k, 2800供3k.. total供17k

咁樣好嗎? (因為用緊匯豐月供, 每次派息都收charge, 唔想再加多or減少入面既成份股以減低手續費)

仲想問下, 靜番既5k, 應該keep cash, 定有冇咩可以放住, eg. 黃金, 對衝股市, 等大跌市個陣拎出黎用?

有冇多d e方面既資訊可以share下, 例如係點買法?

除左月供股之外, 我仲有around 20萬資金, 7月開始投資左14萬落股票..

(買賣賭股同中石化都有3000蚊左右斬獲, 我6.6入中石化, 但睇番佢d過往股價 都好波動, 唔敢keep太耐)

宜家有9手3988, @3.63; 1手700, @ 379.2; 1手941, @68.72; 1手1211, @46.65.. (e個價係計埋手續費既break even price)

想問宜家個市一路係28000同29000之間上上落落, 係咪仲合適keep住咁多股票?

我最近既strategy係 (因為我係office番工 可以mon住個市) 會係around 28000個陣買啲大隻價錢合理既股票再係around 29000升幾個%再放出,啲股票號碼都係靠你個page度睇番黎, 確保佢地有番咁上下質素.. 有得賺番少少既就可能買一陣就放, 萬一跌左我都唔洗咁驚..請問有冇啲咩板塊既股票你係睇好, 我可以再研究下?

宜家26歲, 我月入around 23-25k, 男朋友around 19-20k.

想3年內結婚, 5年內有小朋友, 8年內移民, 有短中長期目標要達成, 3年180萬, 5年400萬, 8年800萬既目標會唔會定得太高?多謝老師賜教

 

龔成老師:

你月供股票部分無問題,當中的選股正確,基本上都有質素的,金額亦可以。現時你調低金額去到17000,是正確的做法,因為點都要有一定的現金,作備用以及等大跌市之用,你不用心急將資金投資其他項目。

至於你其餘部分,我見你有短炒股票,這是一個錯誤的投資方法!

我在十幾年前都是以這模式投資,但最後輸唔少。之後我做銀行,做經紀,見過好多客的投資方法,發現短炒者是輸多贏少的。

你唔好再用「睇住個市」的模式去投資,改為「買入價質股,長線持有」,對你長遠財富是最好的。

另外,你有明確目標是好事,但如果太心急而影響了投資心態,就要小心,因為財不入急門。建議你加強學習投資的基本知識,在選股、企業估值、企業質素分析、投資時機的技巧上,再加強,因為我見你有D概念錯左。

所以一定要多提升知識,這一定會對你長遠財富有更大的正面影響。

(對照龔成信箱:Q7402)

4.供樓

龔成老師你好。本人26歲,主動收入一年大概30萬,有一個市值6.2m物業在手,按揭餘額大概3.1m,每月扣除開支後幾乎無多餘錢儲蓄投資

因想改善居住空間,現打算賣掉目前物業,轉購買市值6m及較大的單位居住,會加擔保盡做8成按揭,從而透過換樓去增加現金去投資股票,扣除換樓開支及相等1年收入的資金以備不時之需,大概剩餘1m現金

請問透過收息股以幫助供樓支出可行嗎?

而選股方面,收息股考慮港燈2638同置富778;潛力股考慮比亞迪1211,請問還有推薦的股票嗎?謝謝!

 

龔成老師:

你轉換物業,雖然可以,但這樣會增加你的開支,因為現時買賣物業的成本好高,所以,如果分別不太大,最好不要變。但如果相差較大時,轉換的理由會較高。

至於轉物業後,按揭這部分去到8成,這會提高了你的風險,你要計下是否在供款上負擔得到,因為你這樣等同於加按了物業,風險有所提升。當然,你26歲,仍可以承受這風險,但最重要是堅守「供得起」原則。

如果扣除換樓開支及相等1年收入的資金以備不時之需後,大概剩餘$100萬現金,這部分可以投資低風險,穩健類股票。港燈(2638)及置富(0778)可以,盈富(2800)、港鐵(0066)、工行(1398)、陽光(0435)、金沙(1928)都得,比亞迪(1211)則只可投資小小。

(對照龔成信箱:Q7403)

5.增長股

龔老師你好,小弟現年26歲,月入16000,每月扣除開支能儲7500,7500當中有3000月供港鐵。

另外持有現金6萬左右,2手港燈在7.14買入,2手港交所分別在高位295及262.2買入。

想問如想投資增長股那一隻會較適合?(比亞迪會否其中一個選擇)

月供地鐵需要增加投入資金嗎?

港燈應否增持?

港交所應如何處理較好?

 

龔成老師:

投資比亞迪(1211)可以,但這股較為波動,佔比不能太多,要控制注碼。同時,最好以分注或月供的模式去投資這股。

港鐵(0066)不用加注,照現時的月供已可以。

港燈(2638)雖然是很好的股票,但對26歲來說,未必最適合,因為你應著重進攻,而港燈的增長力不算強,只是收息股。

港交所(0388)暫時只有持有先,你的買入價處高估值水平,略貴。現時雖然回落了不少,但仍未算平,所以要較有耐心。不過,這股有質素,可以慢慢守,但要長線先得。

(對照龔成信箱:Q7404)

6.價位

有個心理問題請教一下,我和同事都遇到過

因我地係打工仔,老闆叫就要即到,好似我咁,之前問過老師你,港鐵可以分注入,想入個日當日返工後就開會,miss 左,我就同自己講,下次入,但一直升,心裡有點不舒服,我同事就係港燈,請教如何調整錯過的心理。

 

龔成老師:

其實你要明白,我地無可以每次都在較好的價位買入,總有高有低,所以我自己唔會刻意著重某一個價位,反而會將資金分開多次入,咁樣就可以避免這個情況。

至於心理方面,你一定要學習控制,盡力平常心面對,有好多人因在低位買唔到或高位賣唔到,就會成日諗翻轉頭,咁樣其實無意思。投資有一個因素好重要,就是理性,同埋要明白,事情無可能完美,我地亦無本事捉到某些位。

其實機會仍有好多,保持學習與發掘,同自己講盡力找另一個更好的機會就得。

(對照龔成信箱:Q7405)

7.值博率

老師,長建股息率有4%,值得買入長期投資?

 

龔成老師:

長建(1038)都是不錯的優質股,但中短期仍會受歐洲業務較弱而有所影響,不過長遠計是正面的,你見佢仍不斷進行海外收購就知,以值博率來計,這股不錯的。

但這股中短期的表現仍然較一般,你一定要用長期角度去投資這股,現時可投資,分注無問題,但不要理中短期的股價波動。

(對照龔成信箱:Q7406)

 

8.中國中藥(0570)

點睇570中國中藥?

我自己最愛醫藥板塊,當中覺得570比較之下 PE唔算貴,基本面不錯,雖然近期這版塊反壓,但醫療係未來大吹勢,佢有無基會成為一隻倍升股?

 

龔成老師:

中國中藥(0570)係中國大型現代化醫藥集團,透過旗下「聖通平」、「高德」、「西鳴堂」、「德眾」及「馮了性」五大主要品牌,生產涵蓋中成藥、化學藥及生物藥三大領域之藥品超逾200多個品種。

佢的生意同盈利都有不錯的增長,賺錢能力理想,但不算好強,前景正面的,這股有投資價值,現價有少少貴,如果想投資升一倍,最好等佢回多少少先,值博率會更加高。

(對照龔成信箱:Q7408)

9.ETF

你好,請問你點睇 2822?跟2800是同一類型股票嗎?如果我想買兩隻股票都買入可以嗎?謝謝你

 

龔成老師:

兩隻都是ETF,即是交易所買賣基金,只是追蹤的指數不同,盈富(2800)追恆指,而南方A50(2822)則追中國的指數,所以2822全部都是國內的股票,而盈富則是投資港股裡的中港股。

兩隻都可以買入的,因為都是長期增長的組合。

(對照龔成信箱:Q7409)

10.恆生(0011)

我聽完你嘅video, 我諗好左個月供組合了:

$4000 2800 盈富

$1500 011 恆生

$1500 1038 長江基建

$1000 1211 比亞迪

買比亞迪,可以比少少潛力增長

我見盈富都買左不少銀行股,所以,我只選恆生。

這組合,可以嗎?

以上計劃,還是把恆生轉為煤氣好?

 

龔成老師:

上述的組合可以呀。當中投資的都是有質素的股票,長遠有一定的增長能力,盈富(2800)佔比較多適合的。

雖然盈富已有不少銀行股,但再加上恆生(0011)無問題的,以質素來說,恆生同煤氣(0003)差不多,都很優質,所以拒資邊隻都無問題。

你保持月供就得,無論大市升升跌跌,只要不斷去供就得,因為月供要長時間,才見到效果的。

(對照龔成信箱:Q7410)

延伸閱讀:

70後月儲$4000 適合供呢幾隻平穩增值股 

The user will never see this