人工, 職場, Purple弟弟, 辦公室, 上司, 同事, 工作環境

人工唔高真係頂唔順 上司衰 同事計較 工作環境差 |Purple弟弟|職場制勝

職場

廣告

職場制勝】我目前人工不過不失,2年經驗都有$23,000收入,但問心,只要我搵到新工,就算人工低過現時我都會走,因為真係好冇人情味!將興趣化成工作的確唔係一件人人做到嘅事,但至少人人嚮往!工作佔人生當中一個相當大比重嘅時光,就算唔係做自己鍾意做嘅事,但最少要環境令人做得順心滿意。

撰文:Purple弟弟 | 圖片:電視截圖、unsplash

人工唔高頂唔順公司3大問題

1.遲到計到足 OT你應份

打工仔準時返工係責任之一,遲到在理,的確係我唔啱。

但在情,有時又唔係大遲到,可能錯過班車又或者行得慢咗遲15分鐘左右,再加上基本日日都要OT一陣,咁打工仔心態係拉上補下,比足你有突。

所以,有時遲到聽到上司講:「唔好再遲到!」就無名火起!

又唔見你同我講唔好再成日OT早少少走。

當然唔係間間公司都有咁衰嘅上司,不過呢種計較型上司真係令人作嘔,最慘係有時要你蝕底做多少少又覺得你應份!

公你贏字我輸咁,邊到仲有心做落去!

2.計較係會漫延

雖然我唔係打過好多份工,不過由朋友聽返嚟都有唔少例子,發現鍾意計較嘅上司,下屬都會被感染!

有時明明唔需要OT,只要大家幫手做,見其他同事得閒些少,叫佢哋分擔少少,又唔辛苦又可以大家準時走。

不過佢哋就好計較,覺得自己明明無嘢做就唔好搞我,你OT你事!

咁我都明白要人幫對方唔一定會睬你,但如果佢哋要求你幫手時你拒絕?

黑面事小,暗地裡單單打打,有排你受。

3.病咗返工要受氣

病就係人都唔想,有病最慘係邊個?

仲使問一定係病人啦,又要俾錢睇醫生,又要唔舒服!

不過職場上鬼得閒諗你,當你逼不得已請咗請四、五日病假,一返工做戲都好,記得一定要擺個死人樣出嚟,唔係又會俾人質疑係咪真病,望落咁精神,有醫生紙都一樣有位入你!

然後同事又會唔體諒你病,仲會覺得你病佗衰家,搞到佢做多咗!

盡早離開或是解脫

而你跟開嘅嘢,甩曬都冇人幫,到最後年尾講升職加人工,上司仲會雪上加霜:「你請得太多病假,要升你難少少!」

不過人人都有個價,大眾興趣一定唔會係做政府工,只係人工高,可以當無咗件事!

而我真心覺得,只要你個價掩蓋唔到工作上嘅缺憾,早少少離開,未嘗唔係一個解脫。