樓價大插 雞尾包就會賣返$2 網民：人工跌番一半
撰文：Smart ED編輯部｜圖片：unsplash、新傳媒資料室
如果樓價大跌一半⋯
樓主以「如果樓價大跌」發文，當中提到，「如果樓價大跌一半，即是早餐變回18元或20元，午餐重返23元或25元的價格，而雞尾包的價格會跌至2元至3元。」
他在文末表示，「有無可能，我唔知，但有啲發夢。」
網民：樓價平唔代表要減價
對於樓主的看法，部份網民直指不太可能，因為樓價與物價並非掛勾。
「樓價同麵包掛勾？」、「樓價跌，唔等於物價跌喎」
「衣食住行 呢啲生活必需品。如果突然有間公司要減價清貨賣衫5折賣衫，唔通食又5折。」
有網民指，即使樓價下跌，但物價未必會跟隨跌勢，因為現時有最低工資，加上租金及原材料等因素，故認為物價下跌的機會不大。
「看來不會。因為每年的通貨膨脹、無論人力、物力價格都上漲了」
「樓價大跌幾多先叫大？就算跌一半，租金都未必會跌一半，香港經營成本好大部分係租金，所以售價唔會有好大轉變。」
樓價插 人工跌？
另一方面，有人提到，如果樓價大插，物價重返樓主所指的水平，那港人的薪水亦可能已跟隨下跌。
但亦有人指出，現時只是調整，不覺得會出現樓主所指的情況。
「人工跌番一半呀」
「唔覺會好大失業，未見樓價大跌，而家係調整，之前人為炒，係泡沫。」
網民點睇樓市？
雖然現時樓市呈跌勢，但不少網民直指樓價長遠會上升，很多人都靜待時機以趁低吸納。
「依家係跌市，但固定資產長遠一定升」
「所以大家都等緊機會，睇下幾時爆，我好想買多兩三件收下租，但這些機會係咪真係再有呢，要先問自己當全世界都裁員果陣，人工減半，今日唔知聽日事，人心惶惶，你仲會唔會買樓。」
「人會恐懼，樓價真跌到沙士時候，又有幾多人夠膽出手。就好似股市咁，熊市狂跌時候，夠膽接貨的有幾多⋯⋯宜家咁幻想自己會趁大跌時候會買樓,但大部分人除非鋼需，否則你會怕自己買完又跌一輪。」
延伸閱讀：符符碌碌 無料都升到職 巴打：boss升你就係貪你唔係好叻
打工仔想升職加薪，是人之常情。畢竟，返工就係為搵錢而唔係為嗜好。不過，有冇得升職，從來都唔係你話事，係你上司、老細話事。有巴打就開帖問「大家信唔信命運」，感嘆「符符碌碌就升職 無災無難到公卿」，有人輕輕鬆鬆就升到職，自己就工作運很差，工作多年都只係「高級兵仔一隻」。此帖一出，即引來網民熱烈討論。
撰文：浩德 ｜ 圖片：電視截圖、討論區截圖
原帖題為：大家信唔信命運
樓主指自己差不多50歲，覺得好多嘢都係整定「自問工作運好差 做咗咁多年 都係高級兵仔一隻 都諗住做個高級兵到退休」
部分網友都同意升職靠命運，做到嘢未必就可以升職。
部分網友回應更句句精準、一言中的：「一命二運三風水」
「升職，要講天時、地利、人和。」「識人好過識字係金句」
無料無學歷但平步青雲
有網民指，以前唔信（命運），但做野做得越耐，越覺得係真既。
「特別係呢幾年見到幾條女，無料無學歷，連新聞時事都唔多留意，但平步青雲，重要好串，以為自己好勁，又唔知自己出去出面見番同自己相同既職級，根本無乜可能會請佢。」
職場上，的確有不少無料無學歷但平步青雲的例子，無奈遇著此類人很多時都只能「硬食」，因為基本上每間公司都有呢類人。
有真材實料便可以
雖然是否能升職非自己可以決定，但做人最緊要正面。
有網民指，「一個人是否叻很簡單，跳出去到另一間公司工作，做同一職位看能否生存，若是叻有真材實料便可以。」果然夠正面。
而其中一個網民的留言就最精警：「其實能力根本從來都唔係升職唯一條件，只係我地自己覺得係。」又係喎！突破盲腸呀！
功名利祿不要再強求
部分網友留意到樓主其實已近50歲，應該要「睇化」。
「不論自己點充實自己，點勤力。機會都係等唔到。睇住人地行行企企咁都可以升職加薪，自己唯有去其他地方搵自己既生存價值。」
「既然到了這個年紀，倒不如平常心，多做好事，多關心身邊的人，功名利祿不要再強求了。」
「命裏有時終須有，睇開啲啦。」
「性格決定命運」
