土地供應死局 又係高爾夫球場惹的禍|香港樓市2019

土地供應死局 又係高爾夫球場惹的禍|香港樓市2019

筆者: 真係唔明,點解咁多人反對填海呢?

朋友: 仲有好多地方未發展,棕地、農地,點解要填海?

筆者: 涉及私人業權有排搞喎,填海可以自己話事重新規劃!

朋友: 仲有高爾夫球場呢?咁大又唔用?

筆者: 可以一齊搞嘛,點解一定要分先後呢?

朋友: 要洗好多錢嘛!

筆者: 賺得番喎,可以賣地,又可以發展第三個CBD!

朋友: 總之唔收番高爾夫球場,政府做乜都反對架啦!

筆者: 原來又係高爾夫球場惹的禍…

撰文:1%Anthony | 圖片:新傳媒資料室、unsplash

期待已久的土地小組報告出台…

如果期望報告幫手解決土地短缺問題,相信你會失望…

報告雖然打着「土地大辯論」旗號,但睇落似諮詢報告多於辯論。報告從18個諮詢選項中,建議政府優先發展3個短期選項,

包括發展棕地、公私營合作發展私人農地、發展部份粉嶺高爾夫球用地;另外5個中長期選項,包括填海及發展東大嶼等。

土地, 土地供應, 高爾夫球場, 土地大辯論, 棕地, 私人農地, 填海, 東大嶼, 香港樓市2019
圖片:新傳媒資料室

所謂諮詢,只是收集民意,然而實際幫助又有多大?

每個建議都有很多人反對,每個人反對都有自己的理由,有的是因為既得利益受衝擊,有的是因為對政府不滿,有的是因為對諮詢選項不理解。

試想想…如果忽然有人打電話俾你,問你讚唔讚成發展岩洞、運輸基建上蓋,你會點答呢?直頭唔知講乜?正常丫!

土地, 土地供應, 高爾夫球場, 土地大辯論, 棕地, 私人農地, 填海, 東大嶼, 香港樓市2019
圖片:新傳媒資料室

例如發展棕地、公私營合作發展私人農地,大熱勝出!

然而可行性又有多高?有幾多支持者了解呢?例如棕地,在報告中指出「分佈較為零散,大小不一,形狀通常不規則。

由於發展缺乏整體規劃,棕地多數夾雜村落、寮屋、常耕或休耕農地、魚塘,亦缺乏可支援高密度發展的交通、排污等基建配套設施。

土地, 土地供應, 高爾夫球場, 土地大辯論, 棕地, 私人農地, 填海, 東大嶼
圖片:unsplash

若要發展棕地,往往需要收回及清理這些土地,過程需時,棕地作業者亦不時有重置的訴求。」

發展難度極高,就算發展到,由於土地零散,都難以有規模、有系統的發展,點解仲要堅持優先發展呢?

又例如公私營合作發展私人農地,明顯難度更高。

土地, 土地供應, 高爾夫球場, 土地大辯論, 棕地, 私人農地, 填海, 東大嶼, 香港樓市2019
圖片:unsplash

難度高在甚麼地方?公私營合作,冇著數,土地擁有者點會持?有著數,自然會引來利益輸送的指責,點做呢?

如果咁易傾,發展商手持大量農地,一早就大肆發發展啦,點解咁耐都搞唔掂?

再者,發展商點解要大幅增加供應,令到樓價受壓呢?

諗極都諗唔明,點解公私營合作可以大幅增加供應,但偏偏是最優先選項之一。

土地, 土地供應, 高爾夫球場, 土地大辯論, 棕地, 私人農地, 填海, 東大嶼, 香港樓市2019

幾個優先選項中,最有睇頭發展部份粉嶺高爾夫球場。

反對!反對!反對!

一直以來,不少市民對於政府的建議,有理冇理都反對,是對社會貧富懸殊的控訴,只要粉嶺高爾夫球場一日唔收回,無論甚麼土地政策,都難以得到市民支持!

今次土地小組率先取回32公傾用地絕對是好開始,可能有人會問,點解唔一開始就收晒?

如果一開始就收晒,將來又何來議價空間呢?

土地, 土地供應, 高爾夫球場, 土地大辯論, 棕地, 私人農地, 填海, 東大嶼
圖片:unsplash

至於填海,很多人反對,筆者亦覺得莫名其妙。

反對的人當中,很多都是年青人,更難以理解。

增加土地,起更多樓,將來得益的不是年青一代嗎?為甚麼要反對?

眾多選項之中,明顯填海是最有效增加土地的方法,由小學開始,已經學會香港地少人多,過去百多年就是不斷的移山填海,不斷發展。

土地, 土地供應, 高爾夫球場, 土地大辯論, 棕地, 私人農地, 填海, 東大嶼, 香港樓市2019

相比起發展棕地、農地等,填海最大的優勢是政府可以主導整個計劃,土地要多大有多大,開則亦可以自己話事。

不似棕地東一塊,西一片,看看將軍澳及東涌等就知道,可以興建多個大型屋苑,可以重新規劃,有住宅、有商業。

不用為着回收私人土地業權而不斷的司法覆核,這絕對不是靠發展棕地農地可以做到的。

土地, 土地供應, 高爾夫球場, 土地大辯論, 棕地, 私人農地, 填海, 東大嶼
圖片:unsplash

相關文章