【網民熱話】新年返工第二日 公司正式解散 網民：間公司算有人情味

新年返工第二日 公司正式解散

很多打工仔過年後返工的首日，都說自己有「年初四咁嘅樣」，因為「假又放完、錢又使晒，仲要返工」，所以返工唔會有好面口。

不過，其實仲可以有「年初四樣」（即係有工返）已經好幸福。

有網民出Post指，自己新年返工第二日，其公司正式解散：「公司話等同事過埋年先，過完年接大信封。

自己呢間公司做左（咗）15年，間公司做左（咗）30年，終於頂吾（唔）住。」

曾搵工但被「嫌老」

被網友問到做甚麼行業，樓主指自己做進出口業，於此公司做了15年，今年40歲。

換句話說，樓主25歲已加入此公司。

他向網友表示，自己已做到Manager級，人工有3.5萬，因「仔細老婆嫩」，但過完年難搵，曾找Agent搵工，但被「嫌老」。

大部分網友均留言鼓勵樓主：「與老細、同事好好道別，日後有機會再戰江湖」、「明天會更好的」、「祝早日揾到新工」

也有網友指：「節哀」、「沒辦法」、「唯有搵過份（工）。你公司都算係咁，捱到新年後結業。如果新年前結，更慘。」

的確，樓主公司讓員工過年後才解散，已很有良心。

記者就有朋友於年廿六當日被炒，令人不能開開心心過年，令人非常無奈！

網民：進出口是「夕陽工業」

有網民指，進出口在香港已是「夕陽工業」，「進出口舊年年中開始執笠，如果做美水真係慘不忍睹」

有網民提議樓主做保安，但樓主則回應說保安人工只有1萬至1.5萬元，「樓都吾（唔）夠供」

有心水清網友就提到樓主做了15年應可獲得遣散費及長期服務金：「起碼有筆遣散費先喇!15年都有幾廿個吧」

另有不少網民分享自身經歷安慰樓主，表示：「你公司都算好⋯我公司聖誕前宣怖⋯你要做埋之後果一個月。

代通知果一個月都要你做到最後果一秒⋯

然後，話唔夠錢出住你強積金戶口果part既遣散費，要等番銀行出。

然後，十二月尾到而家，都仲未拎到果舊錢⋯又因為連人事同會計部都cut埋，冇人幫我地追同跟⋯⋯⋯

加油 40唔老，前一水被lay的同事，50都搵到新工，仲要有更好的offer」

而另一網友則說：「馬死落地行，上年年中都轉做九巴佬，自己5食，都要養仔女，兄弟，肯做肯捱，一定有辦法既，大家努力啦」

大家都鼓勵樓主「祝你好運」、「早日搵到好工」，「大把工等你做」真係人間有情呀！