網民

【網民熱話】25歲有20萬積蓄想結婚買樓 父母俾首期 網民:要你孭起頭家你得唔得?

社會熱話

廣告

網民熱話】月入$15,000雖然不多,但搵呢個月薪的後生仔大有人在,有網民就自稱今年25歲,工作4年有20萬儲蓄,人工約$15,000,希望2年後結婚,如買樓的話,父母將會幫手俾首期,但他擔心自己供未必供得掂…

撰文:浩德 Smart ED編輯部| 圖片:電視截圖、討論區截圖| 資料來源:香港討論區

25歲儲得個20萬 人生已完?

樓主每月只有$15,000人工,如結婚買樓,雖則有父幹可幫手俾首期,但明言擔心自己會供唔掂。

此Post一出,引起網民熱烈討論,他們態度基本上呈兩極化:有人支持買樓,亦有人反對。

有人認為樓主應「量力而為」、「一供樓你今世就玩完 供死你」、「有屋企人俾首期又點 樓主搵得又唔多

都唔知要供幾多年  最好就唔使供 屋企人送黎就差不多」

網民:去排公屋算啦

有網民指,若樓主的未來老婆無工作,不如「去排公屋算啦。」

「你得 15K,仲未超過 2 人上限 17,600。得公屋,得天下呀。」

「先公屋,草$ (儲錢),有$(錢)轉綠表再諗居屋

又指以樓主的月薪,即使有父母俾首期,也應該過不少銀行的壓測試。

「依家幾十年市區 220 呎,都叫 400萬。300萬嘅新界盤唔係無。但你得 15K,父幹拎到 40% 首期出黎,去啲銀行網站睇,佢最多借 165萬左右,即係呢,買樓無問題,你搵到啲250萬嘅盤就得囉,唔好村屋喎,周時估唔足價架咁喎。詳情,你自己去銀行問下先啦。」

要你孭起頭家你得唔得?

反對樓主買樓的網民都有不同的見解,大部分人均著眼於樓主人工的確偏低。

「有屋企人俾首期又點 樓主搵得又唔多 都唔知要供幾多年 最好就唔使供 屋企人送黎就差不多」

也有人指樓主「做咗幾年都係搵咁少,好難向上爬!一結婚之後,兩公婆實為錢鬧交,到時萬却不復」

更有人直言自己「我月入六萬都未敢諗買樓,你咪 X 發夢啦 XX」

「你人生完唔完我就唔知 得 20萬,裝修都未夠,重學人買樓」

已經好叻仔 儲到錢要讚!

有人認為樓主既然擔心自己能力有限,就不應要父母俾首期。

但也有人鼓勵樓主,認為他搵錢雖不多,但年紀輕輕已儲到20萬已很不錯。

也有些正面的建議如:「有屋企比(俾)首期就已經OK了,供唔起咪先放租,等租客幫你供。其實真係冇乜好怕!」

「儲到廿萬已經好好㗎喇 結婚呢家嘢都係豐儉由人嘅啫」

「其實比(俾)到首期 每個月慳住洗(使)應該供得掂既(嘅)」

「25歲尚算年輕,還有時日掙錢,如果是45歲才比較麻煩。」