【經一專欄】診所職場事 【寶豬趣聞】 住址證明 |珍寶豬

【經一專欄】診所職場事 【寶豬趣聞】 住址證明 |珍寶豬

經一專欄・診所職場事】有日一位小姐嚟登記睇醫生。
佢行埋嚟登記處:「姑娘,我睇過㗎啦~」
我:「有冇覆診卡俾到我?冇就俾身分證號碼我check返啊~」
佢:「好呀,NUMBER係XXXXX,你哋有紀錄我地址㗎可?」

撰文:珍寶豬

我:「哦?有呀~你之前登記有埋地址嘅,你要改地址?」
佢:「唔係呀,唔知你可唔可以出封住址證明俾我呢?」
我:「我哋出?我哋出嚟冇用㗎喎,冇人認可㗎」
佢:「叫醫生簽名唔得咩?」
我:「醫生都唔知你個地址係咪真㗎嘛,簽唔到作實㗎~」
佢:「咁呀…」
我:「登記咗㗎啦,你坐坐先啊」
佢:「但係我想拎張住址證明去電話公司喎」
我:「電話公司應該可以寄封信去你屋企,之後你再拎返去就得㗎啦~」
佢:「姑娘,老老實實,我個住址係假㗎」
你做咩對我咁坦白呀?
我:「咁我都幫唔到你啊」
佢:「我想去拎部上台機㗎咋」
我:「我哋唔會寫俾你㗎,唔會寫呢啲證明~如果你要轉介去專科,我哋就會寫」
佢:「如果電話公司話OK嘅,你幫唔幫我寫呀?一張紙咋喎?」
我:「我哋真係唔會寫呢啲㗎~況且你都話咗我知個地址係假…明知係假嘅都仲去寫即係虛假文書犯法㗎嘛~」
佢:「你當冇聽過唔得咩?以上嘅對話,我哋從來冇講過,OK?」
我:「….」
佢:「OK?」
我:「唔OK」
佢:「OK?」
我:「唔OK」
佢瞪大對眼望住我唔出聲,我:「小姐,不如你都係去坐返低,等醫生嗌名呀」
佢:「OK,好,你今日咁對我,我會記得嘅」
我:「OK」
小姐終於收嗲。

The user will never see this