【網民熱話】寧願唔食晏 每月堅持儲萬二蚊 慳埋去畀醫藥費 值得嗎

【網民熱話】寧願唔食晏 每月堅持儲萬二蚊 慳埋去畀醫藥費 值得嗎

網民熱話・醫藥費】雖然不少人都會為物質上的滿足感而當個「月光族」。但同時亦存在著慳到世界盡頭嘅朋友!近日有網民在討論區表示自己有朋友因為每月儲唔到萬2蚊,令自己精神理壓力過大,最後入咗醫院!慳錢,又係唔係咁重要?

撰文:麗爾|圖片:電視截圖

儲到病態

發表討論嘅網民表示自己有位朋友儲錢「儲到病態」,如果每個月儲唔到某個金額,嗰個月就會抓狂,寧願唔食飯都要填返條數,痴線過還卡數,同埋一定要望住銀行簿有好多錢先有安全感。

事主嘅朋友已經人到中年,月入$2萬,,每月儲$萬2。上年公司執笠,非專業技能嘅佢新工人工有減無加,得萬3蚊。

當佢發現自己儲唔到萬2蚊一個月,開始抓狂焦慮,神經質同好燥。

事主有勸過呢位朋友,起碼你唔愁衣食,同埋以前儲埋百幾粒,都可以跳出黎做生意創業投資下。但好心勸喻反被朋友話,創業唔係穩賺,蝕哂點算,話一定要見到銀行筆錢唔可以少。

之後事主都無理佢,後來有個共同朋友話太大壓力,返工同啲後生同事開拖,後來要睇精神科。

 網民熱話 食晏 醫藥費
網民熱話・醫藥費】圖片:電視截圖

愈有錢就有孤寒

有不少網民表示,問題在事主朋友身上,認為佢係孤寒,先令到自己咁唔開心。

有人提出自己朋友有幾層樓都去搶特價十蚊件地攤衫著同嗗公仔麵,人可能愈有錢就有孤寒。

每個人都有自己選擇,唔應該將自己價值觀套落別人身上。不過「今日唔知聽日事」,錢銀帶唔到落棺材,應洗則洗。所以任何事都不能極端,物極必反。

儲錢本來是良好習慣,像事主朋友咁,儲埋儲埋,冇錯係儲到好多錢,但問題係連身體健康都不要了。最後要睇醫生,賺埋只夠比醫藥費,絕對係傻人做法。

有人一生賺錢,非常勤勞,但遇上意外,有錢冇命享。賺到的,唔一定係自己用。賺咁多錢都想享受下生活,無謂要令自己咁辛苦。

人要學習控制物慾,做人清心寡慾、淡簿名利。唔做物質、金錢的奴隸,就可以較容易控制自己人生。

 網民熱話 食晏 醫藥費
網民熱話・醫藥費】有人一生賺錢,非常勤勞,但遇上意外,有錢冇命享。

愈慳就愈窮

錢唔係儲返來的,錢係賺返來的。搵唔同嘅方法增值自己,增值財富。有好多人愈慳就愈窮。

有人認為,呢位中坑老友「以前儲埋百幾粒」,其實唔算多。人到中年最怕病。提出言論嘅朋友親戚40未夠,忽然患癌,去某醫院做手術,就洗咗30萬。之後化療、覆診去番公立醫院,因為無咁多錢,患癌係無底深潭。

人老咗,最後悔係後生時無盡情玩樂,去旅遊見識下。老來連照個磁力共振幾千蚊都比唔起,要等公立排期。

另一方面睇,網民指儲錢落銀行其實係另一種形式嘅「花費」,除咗必需品外,人有多餘錢有時係好想用咗佢的。買錶、攝影器材、買衫…..

因為唔夠用要買?唔係,純粹用嚟滿足購物慾,啲錢洗咗,買咗返嚟望住啲野有種滿足感,同你將啲錢儲落銀行,「買」啲存款數字,然後望住嗰啲數字,個滿足感係同一樣野。

如果基本生活所需已夠,仲要滿足購物慾嘅話,用啲錢嚟「買」存款數字,點都好過買非必需嘅消費品。當然如果基本生活都未夠洗,仲夾硬要儲錢去「買」存款數字,就過左火。