【經一專欄】診所職場事 【寶豬趣聞】外賣 |珍寶豬

【經一專欄】診所職場事 【寶豬趣聞】外賣 |珍寶豬

經一專欄診所職場事】電話響起~
我:「你好,乜乜診所」
佢:「我想嗌外賣」
….我哋個電話同茶記近似啊?
我:「唔好意思呀你打錯啦,我哋呢度診所度」

撰文:珍寶豬

佢:「我知呀,我冇打錯呀」
唔該一個凍檸死醫生行街呀!
我:「咁你講咩嘢外賣呀?我聽錯?」
佢:「冇呀,你冇聽錯。我係想嗌外賣呀」
我:「我哋冇外賣㗎喎」
佢:「我唔係要啲咩特別嘢呀」
我:「咁你想外賣啲咩呀?」
佢:「我想要返之前嚟攞過嗰啲通便藥」
我:「哦~你俾咗你個身分證號碼我先呀,我check吓」
佢:「xxxxxx」
我望望排版:「你之前冇喺度攞過喎~會唔會係第二間診所呀?」

佢好大反應:「冇可能!我個人咁專一,一條心㗎嘛!」
咁你又唔駛咁大聲嘅,嚇到我唔駛食通便藥都爭啲咇屎出嚟呀大佬~
我:「但係我睇返啲紀錄,真係冇通便藥~如果你想要嘅,要親自嚟睇咗醫生先」
佢:「我唔可以照嗌㗎咩?」
我:「唔得㗎,因為你未食過,唔可以配俾你~一定要經醫生診症處方。」
佢:「你望真啲有冇先呀,我記得我係有食過㗎」
我:「先生我已經重覆睇過啦,真係冇呀」
佢:「我一直以嚟都係睇醫生一個咋喎,出面有幾多醫生我都冇興趣,我真係睇死佢一個㗎咋,唔可以破例一次咩?」
醫生你感動嗎?
我:「真係唔可以~你一定要親身嚟睇醫生」
佢:「醫生鍾意堂食,唔鍾意我嗌外賣呀?」
我哋係咪一定要咁溝通呢…
我:「總之一定要嚟睇醫生啦」
佢:「好啦,既然醫生想堂食我點話點好啦」

嘟。
醫生,你因住食滯…

The user will never see this