【網民熱話】表現超差下屬問拎推薦信 「唔俾小心 山水有相逢」

【網民熱話】表現超差下屬問拎推薦信 「唔俾小心 山水有相逢」

網民熱話・推薦信】身為上司/老細嘅你哋,如果下屬工作表現差,仲夠膽問你拎推薦信,你會點做?近日有網民經歷緊呢個問題,佢指下屬成日俾鑊佢,錯事一羅羅。人又唔係佢請,但無奈俾人掉咗去事主條Team。信走嚟問拎推薦信。

撰文:麗爾| 圖片:電視截圖

 

大方啲俾

俾佢冇問題,可以簡單講幾句在公司做了多少時間,職位便可,其他一侓唔提,不用稱贊,其他公司一睇就會明了。

亦都可以照直寫,冇規定推薦信入面一定要有正面評價。

有網民提到有同樣經歷。當時冇花心機寫,因為預計下屬見無讚佢嘅說話,都唔會攞出嚟俾人。自己老細仲叫該名網民幫佢作埋佢嗰封: 「唔使俾心機,應該都係落垃圾桶。」

有經驗者提到推薦信只是寫職位時間就得,做滿一年或半年 理應出俾人,無人叫你要俾評價。
而寫做咗幾耐嗰啲由hr出,推薦信就你自己決定。

 

網民: 叫佢搵HR出工作證明 ,通常大公司HR都唔會唔出

網民: 我之前都比個咁即同事問。我同佢講比左hr follow. 最後hr出左封standard letter佢。

 推薦信   網民熱話 表現 下屬
【網民熱話・推薦信】圖片:電視截圖

小心佢懷恨在心

有人提到俾點都好過唔俾,如果唔俾,佢一定搵你報仇。

唔俾只係自己攞嚟煩。多一事不如小一處, 佢自己走,快快趣趣埋尾佢好過。

如果只係能力唔適合份工但係工作態度無問題,咁幫到幾多得幾多。
如果係工作態度問題,寫封佢唔會用得著嘅推薦信打發佢 。

可考慮寫客觀因素,如幾時入職幾時離開,中間職位,任務,出過幾多warning,遲到請假次數排名,再加上工作表現不予置評,咁收到果個明啦。

網民表示: 我會照比但信只會講佢邊年邊日在公司做,唔會提佢任何優點。講真如果你上司的推薦信係寫衰自己,你都唔會show比人睇啦。

 推薦信   網民熱話 表現 下屬
【網民熱話・推薦信】圖片:電視截圖

 

 

網民叫事主試想想: 其實你上司可能對你都有同一樣想法。如果樓主俾上司炒咗,你公司拒絶寫封推薦信俾你,咁你點?

咁就會明白:幫人一下其實唔洗死嘅⋯⋯

如果少少事都斤斤計較,只會有更多辨工室政治。

網民教路,今日佢係你公司係你同事,聽日佢第間公司係你客人。退一步海闊天空,呢個世界好細。

 

 推薦信   網民熱話 表現 下屬
【網民熱話・推薦信】圖片:電視截圖

 

The user will never see this