【網民熱話】眼鏡業食水深 一副眼鏡賺1,000% 四眼仔女:以後上淘寶配眼鏡

【網民熱話】眼鏡業食水深 一副眼鏡賺1,000% 四眼仔女:以後上淘寶配眼鏡

網民熱話】亮視點前創辦人爆眼鏡生意「食水深」,定價與成本可以相差近 1,000%,引起不少四眼仔女討論,有網民就話眼鏡有幾多料大家心𥚃有數,「以後上淘寶配眼鏡」!

撰文:亨利 | 圖片:unsplash、電視截圖

行家爆料全行食水1000%

亮視點前創辦人Charles Dahan和E. Dean Butler在訪問中提到,市面上的眼鏡商品定價高到失控,與成本可以相差近 1,000%。

他們二人指,生產一副眼鏡的總成本不超過20美元(約 157 港元),但憑著經營高檔假象,Essilor Luxottica的年度收入高達84億美元。每當Butler看到那些高級品牌眼鏡售價接近 800 美元(約 6,200 港元),都不禁發笑,因為他知道實在太荒謬了。

兩人坦言,整個行業定價高得不合理,大家可以用4至8美元(31至62港元),買到跟 Warby Parker同等質素,非常優秀的鏡框。

網民熱話 眼鏡 定價 淘寶 成本 利潤 商人 亮視點 四眼仔
市面上的眼鏡商品定價高到失控,與成本可以相差近 1,000%。圖片:unsplash

四眼仔女咁睇……

有網民就分享自己朋友的經驗,指其實眼鏡的成本超低,「有朋友喺大陸做眼鏡廠,好多大牌子都搵佢生產,佢講:其實一副眼鏡成本幾蚊至十零廿蚊人仔」、「其實一幅眼鏡框用咗幾多物料,薄一薄,輕飄飄,大家心𥚃有數啦」。

有網民就認為價錢的分別在於眼鏡的牌子,如同購買衣物一樣,有牌子就會「食水」較深。

有網民續指眼鏡貴主要因為壟斷,公司有自己的生產線,可以大量低成本生產,「你覺得唔值,可以去第二間或者唔用都可以,決定權係你自己度」、「喺呢個世界要唔助長壟斷真係冇可能」;有網民回應指,「問題係你唔比人賺,咁最後邊個開鋪?」。

網民熱話 眼鏡 定價 淘寶 成本 利潤 商人 亮視點 四眼仔
圖片:電視截圖

更有網民就感嘆商人賺到盡的行為,「近視都算係一種身體既毛病,都唔明點解可以拎嚟借人地既病嚟賺大錢」。

部分網民表示不滿商人賺到笑,決定以後都要在淘寶配眼鏡,「淘寶$30,框同dita幾千蚊框冇大分別」、「淘寶一百人仔」。

有網民建議大家接受激光矯視,可以免去買眼鏡的費用,一了百了。有網民回應指,手術有風險,應小心處理!

網民熱話 眼鏡 定價 淘寶 成本 利潤 商人 亮視點 四眼仔
圖片:電視截圖

The user will never see this