供按揭呼吸Plan好慘 無消費玩樂 「供樓供到無人生」| 網民熱話

撰文：亨利｜圖片：unsplash

樓主話：

「頭三年 (平息期) 轉眼就過咗，一條友平時唔算大洗，覺得冇乜嘢要再死慳死抵，只可以開源增加收入，但始終過唔到壓測轉唔到按。自從供第四年開始，計收入減去開支，每月只儲到千零蚊進賑，得咁少點算？

一個人，冇父幹冇結婚冇女友，冇多餘錢買嘢玩同去旅行，為咗供呼吸plan，每個月儲得咁少，又冇得消費玩樂，覺得：「越來越悶同埋唔健康」，自住唔想咁快賣，其實重有咩方法可以好D？

三年平息期過咗仲繼續供緊，一條友，平時唔算大洗，覺得冇乜嘢再要進一步死慳死抵，只可以開源增加收入，但始終過唔到壓測。

自從開源同貴plan之下計，收入減開支，每月儲得千零蚊咁少，冇父幹，冇女友又冇多餘錢買嘢玩或去旅行，越來越悶唔知點算，仲有冇其他方法？」

希望網民給他/她一點意見！

網民就建議，「夠三年，賣左佢，租樓啦」、「放盤、執兩球、買D細單支或村屋」、「有賺就賣左佢、轉買細價樓」。

另外有網民認為「轉唔到按，過3年就賣左佢鎖定盈利，夾硬供自己辛苦」。

又有網民話，樓主收入不高，又沒有儲首期，雖然靠呼吸plan，但這幾年的樓價應該賺到過百萬，已經贏過很多同階層，而且在輪公屋和居屋的人。

亦網民指人生得不可以只有供樓，提樓主要找時間娛樂和放鬆自己，娛樂活動不一定要高消費！

呼吸PLAN是……

「呼吸plan」 指任何人，即有呼吸的活人，申請也可獲批的超高成數按揭，不介意申請人的收入情況。

呼吸plan的按揭年期很短，如財力不足就必須轉按，若本身條件太差，銀行不會幫你做按揭，就要靠財務公司的高息貸款去解決按揭問題。