員工做到嘢但永遠單字回覆  「工作係做嘢 講嘢你去請講師」|網民熱話

員工做到嘢但永遠單字回覆 「工作係做嘢 講嘢你去請講師」|網民熱話

網民熱話・工作】職場上做到嘢兼口才了得,當然係難得嘅人才。但最近有網民在討論區上提到,公司FG下屬做到嘢,但永遠淨係識答「嗯、哦、係」,令佢感到十分煩惱,形容同呢位同事傾計,簡直就好似用咗同3個正常人溝通嘅力氣。

撰文:麗爾|圖片:電視截圖、unsplash

有個fresh grad 24歲左右,做到嘢,但永遠唔解釋,唔交代,永遠講嘢單字,「嗯、哦、係」。

有次樓主問佢工作上嘅嘢,該位同事答咗一個字「有」。

樓主問:有幾多件啊?

同事:無

樓主再問:到底有定無?

同事:有

樓主再次問:有幾多件啊?

同事:係有

樓主表示作爲一個小小的上司,嗰刻好扯火,省咗該位同事一餐(樓主利申之前2年沒有省過任何人)

之後同事用個電話打字答佢:係有,但唔知道有幾多件。

樓主慨歎呢個世界有兩種人, 一種係做到嘢,但唔識溝通。

另一種吹水,識講嘢,但做唔到嘢,人際關係算好,但其實個個月呃人工。

間間公司都有呢啲人:齋吹, 垃圾學歷可以吹到自己好似天才咁。

開始令佢明白到有啲人識做嘢,唔識表達,交代,溝通,可能更加有問題。同呢種人講嘢花嘅力氣 = 同3個正常人溝通。

不少網民表示可以俾機會呢位新人,初出來做嘢唔醒目,俾啲時間佢,或者好心地就教下佢,都係冇改善先算。

有機會佢講嘢比較慢,佢都未講你就扯晒火行咗去,下次可以俾啲耐性同時間等佢講。

工作 員工 單字回覆 網民熱話
【網民熱話・工作】間間公司都有呢啲人:齋吹, 垃圾學歷可以吹到自己好似天才咁。

亦有人表示可以新人唔知樓主要咩資料,又或者唔知為咩要問。認為不善溝通可以改進,肯做嘢已經好過齋吹水個堆。

網民指「上司問嘅嘢,下屬唔太明exactly你想知咩,又唔敢亂答你,要查返紀錄先答到呢?

永遠單字咁犀利?對其他同事都係咁?可能你太有威嚴,佢怕左唔知點講。」

建議如果樓主唔想浪費太多自己時間,urgent 事可以試試用email 指示, 要佢真take action,reply your questions.

而當然樓主的email 都唔可以令佢有機會淨係答yes or no。

有人猜測用WhatsApp唔等如新人有問題,可能係因為係樓主收工後先搵到答案。

有留言指90、 00後玩電話打機煲劇長大, 溝通能力極低 ,做好心嘅可以教下佢。一個做得嘢嘅人唔係咁容易請, 可以諗下佢嘅可替代性, 請唔請得返。呢個年代人人需要尊重,無尊重,人地好易唔撈走人。

有網民提出:

識講嘢唔識做嘢,直接炒

識做嘢唔識講嘢就train下佢,都唔得再炒

連嘢都唔識做,除非嗰個post係可以唔識做都生存到,否則留低都冇意義。

工作 員工 單字回覆 網民熱話
【網民熱話・工作】圖片:電視截圖

上司要求溝通,溝通係好事亦都可以令事情更順暢。有打工仔表示自己有良好溝通能力,但有同事心懷不軌,溝通變得做事上來諸多限制,溝通變成阻礙。

佢認為反正自己都可以攪掂,有啲上司就係盲目聽人講兩講,而不知道別人背後動機,會間接害死人。

另外亦有啲上司/老細唔識扮識,同你溝通完又要翻手再做,重要個方向唔正確,浪費時間無效率。溝通完成件事錯晒,阻住晒收工,咁樣溝通亦都冇用。

最後網民建議,其實樓主要諗下作為上司,應該要對下屬有所了解。作為中層你同你老板講,你老板第一兩次聽會覺得你下屬有問題 ,但之後再聽就係你管理能力有問題, 你公司請得人就表示見工果陣起碼正常 ,並唔會無故對住樓主一人先唔正常。

 

相關文章