診所職場事 【寶豬趣聞】煮死佢|珍寶豬|經一專欄

診所職場事 【寶豬趣聞】煮死佢|珍寶豬|經一專欄

經一專欄診所職場事】有晚一位先生嚟到診所。

佢將一個發泡膠盒掉喺登記處枱面大嗌:「同我煮死佢!」

撰文:珍寶豬

診所職場事 【寶豬趣聞】煮死佢

我唔敢打開個盒,多年工作心理陰影凝住佢一定係屎:「ER…請問先生咩事呀?呢盒咩嚟?」

佢重覆:「同我煮死佢呀!」

唔好意思,本診所並不提供任何煮食服務,自攜食材一律當屎。

我:「唔好意思呀先生,我哋…診所嚟」

佢:「你白痴定我白痴呀而家」

一定係你。

診所職場事, 寶豬趣聞, 珍寶豬, 經一專欄, 醫生, 診所

同我煮死佢先!

我:「如果你要睇醫生嘅,我同你登記啦」

佢:「你都要同我煮死佢先!」

頂你個肺,呢盒乜鬼嘢講到咁生猛係都要人煮死佢呀,我真係想一手拎起掉死你呀!

我:「呢盒係咩嚟㗎?」

佢:「粟米斑腩飯呀!」

我:「咁佢死晒啦,冇得再死啦~」

佢:「我係嗌你煮死呢間嘢呀!」

唏,話要講清楚嘛~

診所職場事, 寶豬趣聞, 珍寶豬, 經一專欄, 醫生, 診所

我啱啱一食,臭㗎

我:「哦?你食完唔舒服呀?」

佢:「係呀!我今日晏晝買㗎!」

我望望鐘,我都就收工,即係已經就快八點鐘:「食完肚屙?作嘔?」

佢:「我啱啱一食,臭㗎!」

你晏晝買咁夜先食,先生你真係一個大忙人啊,舊斑腩等你吔佢等到臭都好正常呀。

我:「你擺喺室溫呀?」

佢:「唔通擺喺冰箱呀?我都即刻食啦,仲雪乜呀?」

…你係咪有幾個鐘時間俾外星人吸咗走呀?晏晝買夜晚食都叫即刻呀?

診所職場事, 寶豬趣聞, 珍寶豬, 經一專欄, 醫生, 診所

我:「ER…你俾身分證我,我同你登記咗先呀」

佢:「咁盒嘢點呀?你要煮死佢㗎」

我:「交俾醫生,呢啲醫生處理…」

佢:「佢係曉煮至好呀!」

我成功登記了,醫生我冇趕走個客係咪好叻豬先?

最後,醫生做咗趕客嗰個…

相關文章