酒吧侍應, 網民, 試工, 樓主, 廢青, 工資, 網民熱話

酒吧侍應$130一小時 第一小時無薪試工 樓主:廢青一聽完就潛水|網民熱話

社會熱話

廣告

網民熱話】酒吧侍應人工有$130一小時,看來相當吸引!呢份工原來是一位網民老闆在外國酒吧請侍應出的待遇,不過呢位網民就大呻遇到幾位香港年輕人問工後,都即時「潛水」,原因是呢份第一小時係冇工資

撰文:浩德  | 圖片:unsplash|資料來源:香港討論區

酒吧侍應$130一小時

樓主以「請香港年輕人真係… 」為題出帖,他表示最近他在外國的酒吧需要招聘侍應,他以$130港幣一小時作為待遇,並強調此條件「高過香港啲大學生多多聲啦已經… 」

他續指有幾個香港年輕人前來問工,「我同佢地(哋)講第一小時冇工資,因為試工,有啲一聽完就潛水」

「跟住叫佢地(哋)要著黑色皮鞋返工. 佢(哋)問我白色運動鞋得唔得,我話唔得又潛水」

樓主認為這些年輕人都是「廢青」應該「快啲返笛香港」!他說:「高人工又唔肯試工,又唔肯著適當制服,請你返來俾個官你做好唔好?」

第一小時試工冇工資

此帖一出,即時引起極大迴響,大量網民紛紛留言表達意見。

而基本上大部分網民的評論均一致,就是認為樓主要求試工冇工資是不合理的。

「第一點似你有問題多啲喎,請就請唔請就話唔請,乜嘢叫「試工」?咁 X 伏畀著我都走啦」

有網民更以舉例說明:「你請人要人試工,咁你間酒吧係咪可以比(畀)人入黎試酒水飲完唔啱唔比(畀)錢先」

應該俾番試工費

有網民也嘗試以香港年輕打工仔的心態,詳細分析樓主這個招聘情況:

「我幫你做左(咗)1個鐘,問心無愧以學同盡責既(嘅)心態去做,原來你要求極高,收為130HKD 搵既質素要同樣好高,就講吾(唔)請我,我蝕左(咗)車錢同時間,仲蝕埋1個鐘既(嘅)工作,最後你仲吾(唔)俾人工我!!」

「第2點反而你無咩問題,系(係)應徵者問題,你出得130HKD 請人,人地有心去做,都吾(唔)會玩野(嘢),你既然叫得人去試,就好應該俾番試工費用人地(哋)!啊!!」

 

「怕蝕底是廢青心態」

對於網民的評論,樓主則表示試工唔出糧在外國是合法的,而且他認為「你唔識做的話,我仲要搵個staff 浪費一個小時去train你,去跟你」

他強調:「唔係你肯做我就想俾你做,都要識㗎,唔係我做咩出$130/鐘」

樓主眼見大量網民反對自己做法,則表示香港人怕蝕底是廢青心態,「所以我唔請港孩 大吧鬼佬做」

更自豪地表示:「係我酒吧洗廁所都高人工過係香港大公司啦」

當有網民說:「試工都可以出糧姐(啫),唔啱最多唔請,咁點解一定要別人免費幫你工作呀??明顯想搵免費勞工啦!!」

對此樓主回應:「唔請仲要出糧?所以你係打工唔係老闆囉」

樓主續表示:「係廢青未做過生意先會講呢啲,我叫你來一個鐘幫唔到我都算,仲要搵人教你…」

單單看到樓主幾句留言,已可感受到他作為老闆的霸氣!

不過,網民中也非一面倒反對樓主的做法,有網民表示「如果第1日返8個鐘,淨計7個鐘咁可以接受」

另有網民指,香港也遇過此類老細,「面試時覺得個求職者未必啱,但又等人用,就叫佢試返幾日,但唔當佢入職,如果呢幾日表現ok,先正式請佢。唔啱就叫佢過主,但啱唔啱試工呢幾日都係冇人工。」

無灰的是,雖然明知「係好搵笨,但有啲求職者失左業太耐,唔想放過機會就應承。」

網民:試工即係免費勞工

其他網民精警留言:

「試工即係免費勞工,人地睬你都有味啦」

「試工係你有問題喎,一人試一個鐘,好過免費勞工。」

「你係咪傻左呀?試工無錢比(俾),白做」

「你以為請義工啊?每一分鐘都有付出架  依家d中年/老年人真係」