冇雙糧冇Bonus會介意 網民:太天真 咪又係一條數|網民熱話

冇雙糧冇Bonus會介意 網民:太天真 咪又係一條數|網民熱話

網民熱話】除每月薪金外,打工仔都會關心公司雙糧花紅,或福利等。有些公司會出13個月糧當作花紅,又稱為雙糧。所以,農曆新年之後到4月都喺轉工旺季,順利拎埋年尾雙糧同農曆新年前的花紅就會走人。有網民就表示,自己份工冇雙糧同花紅,引發熱烈討論。

撰文:Smart ED編輯部  | 圖片:電視截圖、unsplash|資料來源:香港討論區

冇雙糧但福利好

有網民在討論區以「介唔介意份工冇double pay/bonus?」為題出帖,表示自己舊工有但新工冇,問大家「會唔會唔開心」。

有網民問「人工加左幾多?」,樓主回應「打返勻冇變」。

但就話「其他福利唔錯,每年body check,幾千蚊dental,medical包埋1-2個屋企,呢d都係錢呀」

雙糧, 花紅, 打工仔, 薪金, 人工, 公司, 職場, 網民熱話
圖片:unsplash

大多網民都非常介意

此帖一出,引起咗好多網民回應,表達自己睇法。大多數網民都表示自己會介意冇雙糧或者花紅。

「都介意,呢啲屬於人工一部分嘛。如果無,人工方面要compensate返先得」

更有網民表示:「超介意,有得唔考慮呢類型公司」 「一定介意……一開始唔會做」

雙糧, 花紅, 打工仔, 薪金, 人工, 公司, 職場, 網民熱話

人工夠高就得

但都有不少網民表示雙糧和花紅是次要,最重要是人工高低:「年薪加埋多過以前咪得囉,錢早D入袋都唔好?」

「如果金額除開一樣,那可當早點出雙糧花紅,費事到年尾又話無,早攞早享受」

有網民都表示最緊要係返工氛圍,如果鍾意份工,無double pay都唔會介意!

更有網民指雙糧同Bonus只係呃傻仔做夠一年的技倆!

雙糧, 花紅, 打工仔, 薪金, 人工, 公司, 職場, 網民熱話
圖片:unsplash

政府工冇double pay/bonus

仲有唔少網民指出「全部公務員都無double pay/bonus」,「但年年一樣19萬大學生爭。。。」

樓主就回應「所以我唔鐘意做政府工……」

亦都有網民指「即使俾咗好多年,你今年突然唔俾,唔通告你咩」,樓主就話「所以出出下冇出就會走,唔做,搵工」

雙糧, 花紅, 打工仔, 薪金, 人工, 公司, 職場, 網民熱話

其他網民精警留言:

「太天真喇。。。咪又係一條數。。。雙糧/bonus 果啲即係呃傻仔坐足成年咋嘛」

「有係開心啲,始終年尾都需要呢筆『看似』係extra 嘅錢去過年同交稅,感覺上無咁肉赤。。。」

「會差好遠,我指儲錢果方面,無double pay真係想儲錢都難」

雙糧, 花紅, 打工仔, 薪金, 人工, 公司, 職場, 網民熱話

 

The user will never see this