診所職場事【寶豬趣聞】廁所長 |珍寶豬|經一專欄

診所職場事【寶豬趣聞】廁所長 |珍寶豬|經一專欄

經一專欄診所職場事】有日有位太太去診所嘅洗手間~

佢入到去冇耐就大嗌:「個廁所暖嘅?」

撰文:珍寶豬|圖片:電視截圖

診所個廁所暖㗎喎!

好快佢出返行埋嚟登記處同我講:「個廁所暖㗎喎!」

我唔知點答好:「哦?係呀?」

佢:「你哦咩呀?係咩呀?喂,個廁所暖㗎,上手邊個用過呀?」

我:「唔好意思呀太太,我唔清楚呀,我冇留意個洗手間邊個用過」

佢:「你唔係守廁所㗎咩?咩人去你唔知㗎咩?」

…我頂你呀。

診所, 診所職場事, 寶豬趣聞, 太太, 廁所, 珍寶豬, 醫生, 經一專欄

邊個咁冇公德心坐喺度屙

我:「我係登記嘅」

佢:「我唔理你啲咩登記啦,你可唔可以去搞搞個廁所先呀?頭先我一坐落去暖嘅嚇死我呀,邊個咁冇公德心坐喺度屙呀?坐到暖晒好核突呀!」

你囉,如果你唔係坐你點知個廁所係暖。

我:「嗯,或者太太你等陣再去過啦」

佢:「我就係想去廁所呀」

我:「或者你出去出面嘅洗手間啊~出面都有㗎」

佢飛快地離開診所,睇嚟佢應該急到爆~

診所, 診所職場事, 寶豬趣聞, 太太, 廁所, 珍寶豬, 醫生, 經一專欄

「你什麼都不是呀」

過咗陣,佢比頭先更嬲咁返嚟,佢都未行到埋嚟已經開口:「出面嗰個要排隊呀!你咁都叫我出去?我仲未去到呀!」

我:「我哋個洗手間而家應該冇人用緊,你可以去咗先呀」

佢又飛快地衝入診所洗手間。

到佢完事後,佢又行埋嚟:「我同你講呀阿妹,以前我去親啲廁所我見人服務好我會俾貼士㗎,我俾貼士都唔手軟㗎,但係對住你我真係俾唔落手呀,一蚊都唔會俾㗎啦,你去人哋啲高級廁所望吓人哋係點做啦,阿妹你有排學呀!」