月入4萬有100萬首期 大呻買樓難 「你想買個車位都未夠班啦」|網民熱話

月入4萬有100萬首期 大呻買樓難 「你想買個車位都未夠班啦」|網民熱話

網民熱話香港樓價貴到離地,有100萬首期都呻上車買樓難?!最近有報告更顯示香港已連續9年蟬聯全球最難負擔樓價地區。要買樓上車,沒有最難,只有更難。有網民就大呻有朋友月入4萬、仲有100萬首期,但都買唔到樓!

撰文:Smart ED編輯部  | 圖片:新傳媒資料室、iStock、unsplash|資料來源:香港討論區

100萬首期月入4萬難買樓

樓主以「有一佰(百)萬,月入四萬都買唔到樓!?」為題出帖,表示有朋友有100萬首期,想喺「大西北買個兩房全新樓,居然都搵唔到」。

又問究竟係樓價貴,還是一百萬「比得首期來多唔夠比厘(釐)印同律師費,真係悲哀!!」

此帖一出,引起大量網民回應。

圖片:新傳媒資料室

買唔到係正常!

不少網民都表示,樓價近年的確升咗好多,樓主朋友只有以上條件買唔到樓係正常!

有網民就話:「月入四皮今日只係蛋散一名,祈(期)望過高喇!」

「你『朋友』唔係諗住宜家既(嘅)一百萬係好多錢呀嘛?!」、「你想買個車位都未夠班啦」

更有網民回覆樓主:「100萬美金就可以係香港買到220尺,100萬港紙只夠買22尺!」

圖片:新傳媒資料室

買二手樓好過

有唔少網民勸樓主買二手樓,「有100萬首期在大西北買二手根本仲大把選擇,你係都要買新樓,當然買唔到啦」

有網民覺得以呢位朋友嘅條件買新樓太離地:「買二首(手)ok喎。首期小(少),人工又唔高,點解仲咁離地要新樓呢?」

「點解一定要全新?有心買嘅話,二手有乜問題?」

圖片:新傳媒資料室

更有網民表示有朋友有類似情況,他表示在2014年700萬可以買新界東三房時,朋友冇買,寧可出25,000元去租個三房,直到今日新界東三房已經過千萬。

「佢已經租咗第六個年度,計佢未加租已經貢獻比業主180萬嘞!年紀仲已經登陸添!」

有網民就很中肯的表示,「入息4萬話多唔多,話少又唔少,但供樓加生活開支的確有點辛勞。」

圖片:新傳媒資料室

見到各位網民嘅回覆,樓主都回應話覺得好諷刺!

「昨晚和朋友研究過,原來大西北一房都已經買唔到,新少少二手兩房都唔得,首期加厘(釐)印都要佰(百)鬆d萬,又要買傢俬,又要比什費,仲未計裝修。」

「百萬富翁?呢刻覺得,真係諷刺!!!」

樓主最後補充,「如果我係佢,咩兩房都買住先,一鳥在手,總好過百鳥在林。」

樓市, 布少明, 港股, 新盤, 升市, 美聯, 樓價指數, 樓市點睇
圖片:unsplash

擁有百萬已不算富翁

事實上,今時今日,你擁有百萬,已經不算是富翁了!

有網民指:「百萬富翁已經係20年前嘅事。依家係百萬起跳」

保險, 保險金, 信託, 財富傳承, 周榮佳Wave, 槓桿, 保費, 經一專欄
圖片:新傳媒資料室

其他網民精警留言:

「通常有d錢既人,都會覺自己買不到樓,我有朋友做老師,又有朋友做核數師,無乜興趣又有積蓄,都話自己買不到樓,因佢地太有要求」

「唔關樓價事,心頭高儲幾多錢都唔會上到。依家D後生一入市就又要新樓,又要會所,又要市區/鐵路上蓋,又要附近方便購物。嘈買唔到樓喎?食蕉啦」

財富,管理,理財,習慣,學生貸款,理財解碼
圖片:iStock

The user will never see this