診所職場事【寶豬趣聞】我要坐商務 |珍寶豬|經一專欄

診所職場事【寶豬趣聞】我要坐商務 |珍寶豬|經一專欄

經一專欄診所職場事】有日有位小姐睇完醫生

拎完藥俾緊錢時,佢問我:「呀,唔記得問醫生可唔可以寫信?」

我:「你要寫咩信呀?」

佢:「冇呀,我想問吓可唔可以寫封信方便我upgrade?」

撰文:珍寶豬|圖片:電視截圖、unsplash

【診所職場事】「upgrade?咩嘢upgrade呀?」

我:「upgrade?咩嘢upgrade呀?」

佢:「我嚟緊會飛,不過我嗰時買嘅係econ位」

所以呢~你買經濟位就梗係坐返經濟啦。

我:「嗯,咁你記得依時食藥同多休息,祝你快啲好返」

佢:「其實我聽日飛㗎啦,我應該好唔切㗎啦」

圖片:unsplash

【診所職場事】寫封信俾我upgrade我坐去商務

我:「哦?咁…唔舒服嘅搭飛機唔太好喎」

佢:「我知呀,所以我想問醫生可唔可以寫封信俾我upgrade我坐去商務之類呀?」

你個頭想俾我哋打到幾腫?

我:「我哋冇呢啲信出㗎~」

佢:「吓,但係我唔舒服喎,經濟位好多人好迫,醫生唔怕我傳染俾其他人咩?」

我以為你咋病咋,原來你真係唔舒服㗎?

診所職場事, 寶豬趣聞, 商務, 飛機, Upgrade, 珍寶豬, 醫生, 經一專欄
圖片:unsplash

【診所職場事】聽日我係拎AL㗎!

我:「如果怕傳染嘅,就最好唔好上機啦」

佢:「唔得!我book好晒㗎啦!假都拎埋,你見我都冇拎聽日病假㗎,聽日我係拎AL㗎!」

我:「咁希望你快啲好返啦,而家返屋企多休息啦」

佢:「或者你可唔可以嗌醫生照寫封信俾我呀?」

我:「我哋冇寫呢啲信㗎~」

佢:「證明我有病唔舒服呢?」

…你咁樣玩自己?

診所職場事, 寶豬趣聞, 商務, 飛機, Upgrade, 珍寶豬, 醫生, 經一專欄

診所職場事・你照叫醫生寫俾我呀

我:「er…我哋有到診紙嘅,證明你今日嚟過睇醫生囉」

佢:「好呀好呀,俾張我呀,我聽日俾地勤睇再同佢講我因為唔舒服,所以要個位舒服啲嘅,咁咪ok囉,係咪呀?」

我:「唔舒服嘅有機會唔俾上機㗎喎…」

佢:「唔會嘅,你照叫醫生寫俾我呀,我會自己搞掂㗎啦」

到診紙到手後,小姐開心離開診所。

唔知佢成唔成功上機呢~

診所職場事, 寶豬趣聞, 商務, 飛機, Upgrade, 珍寶豬, 醫生, 經一專欄
圖片:unsplash

The user will never see this