診所職場事 寶豬趣聞 成為有錢人 珍寶豬

診所職場事【寶豬趣聞】成為有錢人 下回 |珍寶豬

職場

廣告

【診所職場事】上回講到有位小姐自己擅自掉晒啲藥之餘,仲要返嚟診所攤大手板話要退錢。冇貨喺手真係退條banana蕉俾你咩~之後小姐再自爆自己好有錢大把時間,想同我慢慢玩咁話。難得佢送上門…我梗係…

撰文:珍寶豬

我再講:「即係你而家即刻俾一大筆錢我,令我成為好似你咁有錢嘅人,咁我唔志在打工啦,我就大把時間慢慢同你玩,你明唔明呀?我哋可以慢慢為嗰三百蚊診金藥費玩㗎」
佢:「你知唔知我講緊咩㗎?我叫你退錢俾我喎」
我:「我知呀,小姐你話大把錢大把時間想同我慢慢玩嘛」
佢:「我唔想同你玩呀,唔係要同你玩呀,你而家好即刻同我退錢啦」
女人都係口是心非,剛剛先話好想同我玩,而家又唔同我玩,我知你心入面很想要吧。
我:「錢我哋就真係冇得退㗎啦,醫生真係有同你診症,而且你連藥都冇拎返嚟,你兩手空空咁嗌我哋退錢,冇咩可能㗎啦~」

佢:「你試吓唔退呀?我慢慢同你玩」
嗱嗱嗱~又嚟啦~
我:「小姐,我仲有其他嘢做嘅,我真係冇咩時間同你慢慢玩㗎咋」
佢:「你唔退呀嘛,我咪慢慢同你玩囉,我又唔駛做嘅,我都講我大把錢囉,你咪唔好做囉」
嗱嗱嗱~~又又嚟啦~我好興奮呀!我就快可以俾姨姨包啦!COME ON BABY!
我又回到原點:「我唔做嘅話,首先需要你令我成為有錢人先。我先可以同你慢慢玩。」
佢眼中的火消失了:「你係咪痴線㗎?我有錢關你咩事呀?」

佢嬲爆爆離開診所。係囉,你有錢關我咩事呀?咁你又係咁同我講你好有錢?

延伸閱讀:

診所職場事【寶豬趣聞】成為有錢人 上回