低要求高薪酬筍工 時薪100元

社會熱話

廣告

成日都講絕世筍工,但係嘅筍工通常都競爭大、難度高,到底有無啲筍工係貼地啲架?小編幫你搵咗三份唔學歷都時薪過百嘅工種,睇吓又啱唔啱你心水啦!

撰文:JOEY

1. 家務助理(鐘點)

有鑒於近年多咗好多僱主同外傭之間嘅糾紛官司,加上要請個雙方夾得埋嘅外傭又確係難上難,所以近年港人對鐘點嘅需求就不斷上升,雖然貴少少,但又唔洗包飲包食包住,的確易得多。但係鐘點人材短缺,所以人工都不斷升緊,分分鐘追得上通脹架!依家嘅鐘點起薪都差唔多每個鐘過百蚊,而據小編所知,資深又有口碑嘅鐘點姐姐收費幾百一個鐘都不足為奇!所以唔好睇少你家中嘅媽媽,佢哋先係你全家賺錢最具潛力嘅人物!

家務助理唔洗睇學歷,而且又人工高,唔通真係絕世筍工?咁就錯喇,凡事都有兩面,先唔講依家嘅僱主要求越嚟越奄尖奇怪,一個盡責嘅家務助理要長期接觸化學品,一雙手捱捱吓就好易變成無法可修飾的一對手… 輕則乾裂、痕癢、甩皮、生水泡,重則主婦手、一掂水就痛、連指紋都可能磨走埋,過關唯有等櫃位… 真係聽到都心酸,所以要對你屋企做家務嘅人好啲呀!

圖片來源:hkfindjobs.com

2. 演唱會工作人員

每次去睇演唱會,小編都特別羨慕喺場內嘅工作人員,覺得佢哋可以唔洗錢就睇到炒到天價嘅演唱會,仲可以比我哋呢班消費者更近距離咁接觸到偶像。但係諗深一層,其實呢班工作人員嘅工作都唔筍得哂。喺一個情緒高嘅場面下要控制人流同埋部份過激嘅粉絲,下場好可能就係畀人問候祖宗十八代,少啲EQ都唔得。而且歌手唱幾耐就要企足幾耐,真係腳仔都軟埋!

圖片來源:hkgoodjobs.com

3. 啤酒推廣員
去酒樓或者大排檔食飯時,成日都會見到嘅著得好少布嘅女仔係度行嚟行去推銷啤酒,原來呢班女仔都幾高人工架!不過呢份工喺大部分人眼中都係一份唔正經嘅工作,一來好難過到父母嗰關,二來都要承受比較多嘅指指點點,甚至係騷擾,所以都要有返咁上下心理質素先會勝任到。加上因應大部分公司嘅要求,啤酒推廣員必須要化上濃妝,同埋就算喺天寒地凍嘅室外環境下都只可以著短裙,好易凍親之餘仲要化好多金錢時間保養返啲皮膚!真係有得必有失呀!

圖片來源:parttime.hk

你可能有與趣的文章:
【行船最快4年半 人工1萬變10萬】
http://www.edigest.hk/Vip/detail?id=3483
【洗碗之外 英國王室仲有四份筍工】
http://www.edigest.hk/Vip/detail?id=3467