國泰裁非關鍵員工 人氣CEO莊偉忠有感而發

社會熱話

廣告

前一田百貨CEO莊偉忠成日都話:「善待員工,係對公司最大嘅保障。」佢喺一田就成功實踐咗呢個理念,唔知佢之後會使出咩招數打理康宏呢?不過其實莊偉忠講得出做得到就個個都知啦,但就唔係間間公司都表裡如一嘅… 

撰文:JOEY

莊偉忠一向都敢言評論政府政策上嘅問題,但係就好少開名直斥一間公司嘅過失,但係今鋪聽見國泰航空利潤大跌要裁員時,話被裁嘅員工係「非關鍵員工」嘅時候,就終於激到佢喺Facebook發火批評國泰高層喇。

莊偉忠將矛頭直指有權力下重大決定嘅國泰高層,話佢哋先係應該為經營失敗負上全責嘅「非關鍵員工」。仲勸佢哋諗清楚點樣喺「諉過予人」同「下詔罪己」之中落決定呀。莊偉忠嘅帖文獲網民一面倒力撐,有自稱國泰員工仲提出應該炒咗行政總裁朱國樑,跪求莊偉忠加入國泰添!

呢個POST得到唔少網民力撐,截至晚上七點,已經有超過7,000個LIKE,以及1,310個分享。有網民仲乘機踩國泰,話近期國泰服務差左好多,價錢貴又成日誤點、飛機殘等等。

希望成日引發罷工潮嘅國泰好好計劃吓未來嘅員工政策應該點行,唔好一錯再錯啦。

延伸閱讀:
【有問題公司7大徵兆】
http://www.edigest.hk/Vip/detail?id=3013
【遣散費有得計 六件事你要知】
http://www.edigest.hk/Vip/detail?id=2978