旅行遇到地震 事前事後應對全攻略

社會熱話

廣告

聖誕、新年假期快到啦,大家已計劃旅行行程嗎?港人常去有台灣、日本,不過這些地區位於地震帶,經常地震兼可能有海嘯,所以大家出發前要做足準備!旅行食、買、玩,面對地震如何應對?旅保又包什麼?絕對要知!

1. 出發去日本,有咩事前準備?

東京都政府推出的防災手冊《東京防災》,有齊在不同情況下地震的對應方法,尤其近年港人愛住民宿及Airbnb,未必會有疏散安排,所以熟讀後絕對有幫助!而且可以先下載Yurekuru Call地震預報App,睡覺時將手機放在床頭,爭取「黃金5秒」避難!

http://www.metro.tokyo.jp/CHINESE/GUIDE/BOSAI

2. 遇到地震應該有何行動?

最緊要保持冷靜!如果在室內,不少人會以為要立即逃生,其實在不清楚外面的情況下就外出,反而會增加危險,所以應留在先遠離高櫃,到枱底下暫避,可以拿枕頭或被子保護頭部,待地震停止時,才打開房門、窗戶等確保出口暢通。在室外的話,要留意大樓、玻璃窗、路燈、廣告牌等潛在倒塌物。

3. 地震結束,即返酒店執拾財物?

身邊不少朋友,遇到地震要衝落酒店,平息後會立即返房再瞓,其實大錯特錯!

地震後會有餘震、煤氣喉等亦有機會破損,隨時有爆炸及火災的危險,所以落樓後,應先等酒店職員檢查所有設施後才上樓返房!如果職員要大家避難,就應跟指示去附近的「廣域避難場所」暫避。

4. 家人擔心,如何報平安?

日本在災害發生時,會開通NTT Network,所以即使電話線路大塞車,甚至因為地震而沒有電話網絡,都可以打171向家人報平安。

如果網絡情況許可下,可使用官方災害留言板,或Facebook的「Safety Check」服務。如果是緊急情況或要求救,則要撥打110、119或全球通用的112,所以絕對要緊記這3組電話號碼!

5. 因地震想更改行程,旅保是否包?

如果在行程時遇到地震,只要提供當日報紙或網上新聞Cap圖,以及因事件所致而要多付的支出收據,證明天災令不能繼續行程,保險公司一般會賠償因更改行程而新增的費用,但賠償金額視乎保險計劃而定。

但若現在日本發生地震,下星期再出發而購買的旅行保險,保險公司則未必會理賠,亦有人因為地震並未令航班取消而索賠失敗,所以購買一定問清楚及了解條款。

原文:GOTRIP編輯部

延伸閱讀:
【颱風延誤!旅遊保險5個大FAQ】
http://www.edigest.hk/Vip/detail?id=4744

【比較8個旅行保 邊份保恐襲政變?】
http://www.edigest.hk/Vip/detail?id=3537
【台北桃園機場免費貴賓休息室】
http://www.edigest.hk/Vip/detail?id=3461