祼辭 打工 轉工 公司 同事 網民熱話

返工勁唔開心 想馬上祼辭「小心鬱到病 不要做工作奴隸」|網民熱話

社會熱話

廣告

祼辭網民熱話】有打工仔在討論區訴苦,樓主指自己「返工無野學」,想祼辭但又怕找不到工作

撰文:享利|圖片:unsplash、電視截圖

樓主:做到勁唔開心 想祼辭

「返左幾年工,覺得無野學,公司又改架構,同時有幾條reporting line,但佢地個個都唔溝通,係中間既我,只有成為佢地既磨心。

想立即祼辭,但又驚搵唔返工。覺得自己好廢,搵唔返相同package既工。」

樓主續指,上星期開始就想離職,辭職後被上司挽留!

有網民鼓勵樓主立即辭職,去做自己真正想做的工,「齋想不行動凡事不成功!快打好信明天晨早遞,跨出第一步呀,兄弟 」、「做得咁唔開心,遞信啦,搵食啫,唔使搞到自己咁痛苦」、「辭職啦,人生苦短,無謂比份工害到有精神病」、「日日吾開心,小心鬱出病…..」。

亦有網民認為樓主要更有自信,「比信心自己,一定搵到比現在好的工。有料既唔需要怕搵唔到工」、「辭吧,人生不只是工作奴隸」。

另一方面,有網民認為樓主要「忍住」、「市道唔好,可以的話忍下」,暫時不要辭職,待找到新工後再走也不遲。

「吾好同$作對」

「搵到先啦,一時意氣,蝕底既係自己,做好自己本分就得,唔好太上心,而令自己變磨心,岩既事唔怕說出來,要求佢地配合你」

「搵到新工先辭職,以免空白期太多,遲d搵工見工又要解釋」

同時有網民建議樓主,「祼辭之前,最好粗略計算下流動資金容許樓主你頂幾耐,同埋要有見工時被問及空白期既心理準備」。